"تورکیه‌نین یؤنونده دییشیک‌لیک اولمایاجاق"
باشباخان رجب طیب اردوغان، 'جمهور باشقانی سئچیلدیگی تقدیرده تورکیه‌نین یؤنونده دییشیک‌لیک اولمایاجاغینی' سؤیله‌دی
باشباخان رجب طیب اردوغان، 'جمهور باشقانی سئچیلدیگی تقدیرده تورکیه‌نین یؤنونده دییشیک‌لیک اولمایاجاغینی' سؤیله‌دی.
اردوغان تورکیه اوتاق‌لار و بورسلار بیرلیگینده تشکیل ائدیلن ۷.جی تجارت و صنایع شوراسیندا ۸۱ ائلین نماینده‌لری ایله گؤروشدو.
اردوغان بوراداکی دانیشماسیندا، 'جمهور باشقانی سئچیلیرسک تورکیه‌نین ایستیقامتینده، تورکیه‌نین دییشیمینده، یئریییشینده هئچ بیر دییشیک‌لیک اولمایاجاق. سئچیلمیش بیر پرزیدنت ایله سئچیلمیش بیر حکومت ال اله وئرمک صورتیله تورکیه‌نی چوخ داها سرعت‌لی بیر اوچوشا گئچیره‌جک‌دیر. بون‌دان هئچ کیمین شبهه‌سی و قایغیسی اولماسین" دئدی.
اردوغان، اقتصادی ثابیتلیگین قورونماسی، چؤزوم پروسه‌سی باشدا اولماق اوزره بوتون اؤنجه‌لیک‌لرینی سورجیینی وورغولادی.
پرزیدنت سئچیلمه‌سی حالیندا تورکیه‌نین اقتصادی سیاستینده هئچ بیر ساپما اولمایاجاغینی سؤیله‌ین اردوغان، "ایکی گون سونرا بیر سئچیم وار، اقتصاددا سیخینتی یوخ. چونکو بازارلار بیزه، پولیتیکا‌لاریمیزا، گوج‌لو اقتصادا گوونیر" دئدی.
