وطنداش‌لار آیریلمایا چاغریلدی
تورکیه خاریجی ایشلر باخانلیغی، عراقدا اولان وطنداش‌لاری ان قیسا مدتده بو اؤلکه‌دن آیریلمایا چاغیردی
98097
تورکیه خاریجی ایشلر باخانلیغی، عراقدا یاشانان گوونلیک بحرانینا بیر دفعه داها ایشاره ائده‌رک، بو اؤلکه‌ده اولان وطنداش‌لاری ان قیسا مدتده آیریلمایا چاغیردی.
خاریجی ایشلر باخانلیغی، عراق‌داکی سون وضعیته باغلی گونده‌لیک بیلگی‌لندیرمه آچیقلامالار یاییملامایا داوام ائدیر. باخانلیق آچیقلاماسیندا، اؤزللیکله، موصول، کرکوک، صلاح‌الدین، دیاله، انبار، بغداد و بصره‌ده اولان وطنداش‌لار ممکن اولان ان قیسا مدتده بو بؤلگه‌لردن آیریلمایا چاغریلدی.
۱۱ ژوئن تاریخین‌دن بو یانا توتولان موصول باش‌کونسولوس‌لوغو پرسنلی و ۳۱ شوفرین تورکیه‌یه دؤنه‌بیلمه‌سی اوچون چالیشمالارین حساس‌لیقلا داوام ائتدیریلدیگی ایفاده ائدیلن آچیقلامادا، بحران مرکزی‌نین ۲٤ ساعات خیدمت وئردیگی خاطیرلادیلدی.
