"اولترا سرمایه دارلار" لیسته‌سینده  تورکیه .12 سیرادا

تورکیه "اولترا سرمایه دارلار" سیرالاماسیندا 12.
آمریکا مرکزلی قلوبال دانیشمانلیق شیرکتی بوستون کونسولتینگ، اؤلکه‌لرین میلیونر و میلیاردرلرینی ده آچیقلادیغی "2014 قلوبال وارلیق راپورو" آدلی راپور یایینلادی.
راپورا گؤره، دونیا داخیلینده ثروتی 100 میلیون دو‌لارین اوزرینده اولان اولترا سرمایه‌دارلار سیرالاماسیندا
ایلک سیرانی 4 مین 754 وارلی آمریکا آلدی.
بو اؤلکه‌نی 1044 اولترا وارلی اینگیلتره ایزله‌دی.
اینگیلتره‌نین آردین‌دان 983 اولترا وارلی چین گلرکن،
881 اولترا وارلی آوروپانین لوکوموتیوی آلمان لیسته‌سینده 4. سیرایا یئرلشدی.
سؤز موضوعسو سیرالامادا تورکیه ایسه 288 اولترا سرمایه‌دار سایییلا 12. سیرادا یئر آلدی.
تورکیه اؤزو کیمی اینکیشاف ائتمکده اولان اؤلکه‌لردن هیندیستان و برزیل گئریده بوراخدی.
سؤز موضوعسو سیرالامادا هیندیستان 284 میلیونرله 13-جو،
اوسترالیا 236 میلیونرله 14-جو،
برزیل ایسه 227 میلیونر سایییلا 15-جی اؤلکه اولدو.
آمریکا، دونیا‌داکی میلیونر ساییندا دا 7 میلیون 135 مین میلیونرله ایلک سیرا‌داکی یئرینی قورودو. بو اؤلکه‌نی 2 میلیون 378 مین میلیونرله چین ایزله‌دی. چین، 2012-جی ایلده 1،5 میلیون اولان میلیونر سایسینی 2013-جی ایلده تخمینن 1 میلیون آرتیردی و ژاپونو گئریده بوراخدی.
1 میلیون 240 مین میلیونرله ژاپون، 513 مین میلیونرله اینگیلتره و 435 مین میلیونرله سوئیس تعقیب ائتدی.