ایران پرزیدنتی روحانی تورکیه‌یه گلیر
ایران پرزیدنتی روحانی‌دن تورکیه‌یه رسمی سفر
ایران‌دان 18 ایل آرا‌دان سونرا پرزیدنت سویه‌سینده ایلک رسمی زیارت رئال‌لاشا‌جاق ...
ایران پرزیدنتی حسن روحانی، تورکیه پرزیدنتی عبدالله گولون دعوتی ایله صاباح آنکارایا گلیر.
روحانی، آنکارایا بویوک بیر هیات و اوزون ماده‌لی بیر گوندمله گلیر.
سوریه بحرانی، میصیر و فیلیسطین‌دکی اینکیشاف‌لار ایله ایرانین نوکلئر پروقرامینا باغلی مذاکیره‌لر کیمی کریتیک دیپلوماسی فایل‌لاری بیر یاندا ...
اورتاق تیجارت حجمی‌نین 30 میلیارد دو‌لارا چیخاردیلماسی، طبیعی گاز تیجارتینده قیمت بلیرله‌مسی، بؤلگه‌سل تیجارتده امکداش‌لیق کیمی اقتیصاد باشلیق‌لاری دا دیگر طرفده ...
ایران پرزیدنتی، چانکایا کؤشکونده پرزیدنت عبدالله گول طرفین‌دن رسمی مراسیمله قارشی‌لانا‌جاق، تک به تک و هیاتلراراسی گؤروشمه‌لردن سونرا ایکی پرزیدنت بیرگه مطبوعات کونفرانسی تشکیل ائده‌جک.
جمهورباشقانی گول، روحانی‌نی آخشام یئمگینده چانکایا کؤشکونده قبول ائده‌جک.
سفر زامانی، روحانی، باش ناظیر رجب طیب اردوغان ایله ده بیر آرایا گله‌جک.
باش-باشا گؤروشمه‌نین آردین‌دان روحانی و اردوغان باشچیلیغیندا ایکی اؤلکه آراسیندا یوکسک سویه‌لی ایستراتژی امکداش‌لیق شوراسی‌نین (YDSK) کونفرانسی کئچیریله‌جک. بو چرچیوه‌سینده، تورکیه ایله ایران آراسیندا مختلیف ساحه‌لرده سازیش‌لر ایمضا‌لانا‌جاق.
ایلک توپلانتی‌سینی رئال‌لاش‌دیرا‌جاق یوکسک سویه‌لی ایستراتژی امکداش‌لیق شوراسی‌نین یارادیلماسینا دایر بیرگه بیانات، باش ناظیر اردوغانین ژانویه آیی سونوندا تهرانا سفری زامانی ایمضالانمیشدی.
