معدن فاجعهسی دونیا مطبوعاتیندا
سومادا یاشانان فاجعه، دونیا مطبوعاتیندا گوندمین بیرینجی سیراسیندان وئریلیر
سومادا یاشانان فاجعه، دونیا مطبوعاتیندا گوندمین بیرینجی سیراسیندان وئریلیر. خاریجی قازئتهلر، تورکیهنین بؤیوک آجی ایچینده و شوکدا اولدوغونو یازیر.
اینگیلیس یاین قورولوشو بی بی سی، سوماداکی فاجعهده اؤلو ساییسینین گئتدیکجه آرتماسی ایله اومودلارین توکنمهیه باشلادیغینی، اؤلکه تاریخینین ان بؤیوک معدن فاجعهسینین یاشاندیغینی ایفاده ائتدی.
اینگیلیس اسکای خبر تلویزیونو دا گئنیش یئر وئردیگی سوماداکی معدن فاجعهسی خبرینده، معدنده قورتولمایی گؤزلهین انسانلار اوچون اومودلارین گئدهرک توکندیگینی ایفاده ائتدی.
اینگیلیس گاردین قازئتهسی، اوچ گونلوک میللی یاس اعلان ائدیلن تورکیهده فاجعهنین آردیندان اؤلو ساییسینین گئتدیکجه آرتدیغینی، اومودلارین توکنمکده اولدوغونو یازدی.
ایندپندنت قازئتهسی سوماداکی فاجعهنین تورکیهده یاشانان ان بؤیوک معدن قضاسی اولدوغونا وورغو ائتدی.
آمریکان نیویورک تایمز قازئتهسی، ۲۰۰دن چوخ انسانین حیاتینی ایتیردیگی قضادا حیاتینی ایتیرنلر یاخینلارینین فاجعهنین سببینی بیلمک ایستهدیگینی ایفاده ائتدی.
ایراندا پرس تیوی، سومادا عائلهلرین قایغیلی گؤزلهییشینین سوردوگونو بیلدیردی.
اینگیلیس تایمز قازئتهسی، قورتارما قروپلارینین، معدنچیلری دیشاری چیخارماق اوچون سانکی جهنمه گیردیگینی یازدی. قازئته، ساعاتلار سونرا معدندن هله توستولر یوکسلدیگینی ایفاده ائتدی.
بیر چوخ اؤلکه وطنداشی سوسیال پایلاشیم سایتلاری اوزریندن، تورکلرین آجیلارینی پایلاشدیقلارینی یازدی، "تورکیه اوچون دعا ائت" قونولو هشتگلر آچدی.