تورکیه رادیو تلویزیون قورومو 50-جی یاشینی قید ائدیر
ایلک اولا‌راق رادیو یاییمی ایله باشلایان ت.ر.ت، سون ایللرده ائدیلن سرمایه‌لرله 13 تلویزیونونا و اونلارلا رادیو کانالینا صاحب.
دولت یایینجی‌لیغی‌نین مسئولیتینی چیگین‌لرینده حیس ائدن پرزیدنتی عبدالله گول‌دن تبریک گلدی.
گول، ت.ر.ت-ین رادیو و تلویزیون یایینجیلیغیندا تورکیه‌ده قاباقجیل اولدوغونو وورغولادی.
گول، مزمون‌لو و سویه‌لی پروقراملارییلا توپلومون گئنیش بؤلوملرینه خیطاب ائدن ت.ر.ت-ین، میللی و اولوسلار آراسی ساحه‌ده بو گون گلدیگی سویه‌نین ممنونیت وئریجی اولدوغونو ایفاده ائتدی.
عبدالله گول، ت.ر.ت-ین اجتماعی یایینجیلیغینداکی موفقیتینه ده دقتی چکدی.
گول، یاریم عصری گئریده بوراخان نشریات کئچمیشینده بیر چوخ یئنیلیغه ایمضا آتان ت.ر.ت-ین، کئیفیته و مسئول اجتماعی نشریات قانونون‌دان گذشت وئرمه‌دن، گرک یورد ایچین‌دکی گرک دونیانین فرق‌لی کونجلرین‌دکی وطنداش‌لاریمیزا خیدمت مسئولیتینی ان یاخشی شکیلده یئرینه یئتیردیگینی وورغولادی.
باش ناظیر کؤمکچی‌سی بولنت آرینچ دا، ت.ر.ت-ین قورولوشونون 50-جی ایل دؤنومو سببیله نشر تبریک مساژیندا، ت.ر.ت-ین، اجتماعی یایینجی‌لیغی‌نین لازیم اولدوغونو مسئول، کیفیت‌لی، پرنسیپلی یایینجی کیمی بیر چوخ خصوصیتی بونیه‌سینده ساخلایان معاصیر یایینجیلیغین بوتون گرک‌لرینی موفقیتله یئرینه یئتیرن تشکیلات اولا‌راق، 50 . ایلینی قورورلا قوتلادیغینی ایفاده ائتدی.
آرینچ، ت.ر.ت-ین سون ایللرده گؤستردیگی اوغورلارا دا وورغو ائده‌رک، "ت.ر.ت، معاصیر تورکیه‌نین آیناسی‌دیر، چوخ سس‌لی‌لیگه، فیکیر و ایفاده آزادلیغی‌نین، سویه‌لی و اعتبارلی یایینجیلیغین نومونه تشکیلاتی‌دیر." ایفاده‌سینی ایستیفاده ائتدی.
