تورکیه پنجره سیندن اورتادوغو(23)
اینگیلترهده 21 مین نفرلیک ظرفیتی ایله آوروپانین ان بؤیوک کونسرت سالونو اولان منچستر آرئنادا کونسرت چیخیشیندا میدانا گلن بومبالی سالدیریدا 22 آدام اؤلدو
تورکیه پنجره سیندن اورتادوغو(23)
-------
آوروپانین ان بؤیوک کونسرت سالونو اولان منچستر آرئنایا ترور تشکیلاتی داعش بیر سالدیری تشکیل ائتدی. بیز ده بو هفته پروقرامیمیزدا بو ترور سالدیریسینی و بؤلگهیه عکس اولونمالارینی آنالیز ائدجگیک.
آتاتورک اونیورسیتهسی بین الخالق ایلیشکیلر بؤلومو آراشدیرماچی جمیل دوغاچ ایپکین موضوعیلا باغلی قیمتلندیرمهسینی تقدیم ائدیریک ...
کئچید: --------
اینگیلترهده 21 مین نفرلیک ظرفیتی ایله آوروپانین ان بؤیوک کونسرت سالونو اولان منچستر آرئنادا کونسرت چیخیشیندا میدانا گلن بومبالی سالدیریدا 22 آدام اؤلدو. 59 نفر ده یارالانیب. چوخ سایدا اوشاق و گنج اؤلدو. سالدیرینی ترور تشکیلاتی داعش بوینونا گؤتوردو. بنزر اصوللاری ایستیفاده ائدن ترورچولار، باشدا اورتا شرق اولماقلا، دونیانین مختلیف یئرلرینده بنزر حرکتلر ائتمهیه داوام ائدیر. منچستردکی حادثهنین جیدی اؤلچولری، اینگیلترهنی فوقالعاده تدبیرلر آلماغا ایستیقامتلندیردی. امنیت حاضیردا اینگیلترهنین اؤنجلیک گوندم مادهسی. عینی وضعیت بیر چوخ آوروپا اؤلکهسی اوچون ده اعتبارلی. فرانسانین یئنی پرزیدنت ماکرونون ایلک ایجرا اتلریندن بیری فوق العاده هالی پاییزا قدر اوزاتماق اولدو.
منچستردکی حادثه ایله علاقهدار کشفیات پایلاشیمی موضوعسوندا اینگیلتره ایله آمریکا آراسیندا جیدی بیر بحران اورتایا چیخدی. اینگیلتره سوروشدومادا الده ائتدیگی گیزلی معلوماتلاری آمریکا ایله پایلاشدی. درحال سونرا ایسه بو معلوماتلار آمریکان مئدیاسیندا نشر اولوندو. بو وضعیت اینگیلترهده بؤیوک حیرصه سبب اولدو. اینگیلیس حکومتی کشفیات پایلاشماسینا داوام ائتمیهجگینی آچیقلادی. ایکی یاخین موتتفیقی بو مسئلهده آیری دوشمهسی ماراقلی بیر اینکیشاف.
منچستردکی سالدیرینی ایللردیر ترورلا موباریزه ائدن تورکیه جمهوریتی ده قینادی. تورک خاریجی ایشلر آچیقلاماسیندا، "بیرلشمیش کراللیغین منچستر شهرینده میدانا گلن و چوخ سایدا اؤلو و یارالینین اولدوغو ترور سالدیریسینی قوتله قیناییریق. اینسانلیقدان چیخمیش وارلیقلارین و فیکیرلرین تشکیل ائتدیگی بو جور آلچاق سالدیریلارین وحشیلیگی ایله آغریسینی تأسف کی، چوخ یاخشی بیلیب حیس ائدن اؤلکهمیز و خالقیمیز آدینا بیرلشمیش کراللیق ایله خالقینا ان درین باش ساغلیغی تقدیم ائدیریک. ترور بلاسینا قارشی بو بلانی چیخاران هر جور اطراف موحیطین کؤکونو هر یئردن قیرخماق اوچون یاخین دوستوموز و موتتفیقیمیز بیرلشمیش کراللیک ایله بیرلیکده یوروتدوغوموز قرارلی و تأثیرلی موباریزنی چیگین-چیگینه داوام ائتدیرمهیه داوام ائدجگیک. منچستردکی کاللش سالدیرییا وئرجگیمیز ان یاخشی اورتاق جواب بو اولاجاق "وورغوسونو ائتدی. تورکیه پرزیدنتی رجب طیب اردوغان دا "اینگیلترهنین منچستر شهرینده میدانا گلن ترور سالدیرینی شدتلی قینادیغیمیز ایفاده ائتمک ایستییرم. اینگیلتره دولتینین و اینگیلیس خالقینین آجیسینی پایلاشیریق. ترور تشکیلاتلاری موباریزهسینده بوتون اؤلکهلر کیمی اینگیلترهنین ده یانیندا اولدوغوموزو بورادا ایفاده ائتمک ایستییرم" آچیقلاماسینی ائتدی.
داعش، 2014دن بو یانا عراقدا نظارت ائتدیگی تورپاقلارین% 83نو، سوریهدکیلرین ایسه % 56سینی ایتیردی. سیلاحلی میلیتان ساییسیندا بؤیوک آزالما وار. ایقتیصادی قایناقلاری و ایللیک گلیری یارییارییا آزالدی. آنجاق داعش، موصولدا جیدی بیر مقاومت گؤستریر. عراقدا بیر چوخ شهری ایتیرمهسینه باخمایاراق اؤلکهنین مختلیف یئرلرینده بومبالی سالدیریلارینی داوام ائتدیریر. رقهده یئنی بیر شهر ساواشینا حاضیرلاشیر. داعشین ایقتیصادی قایناقلارینین آزالماسی و تبلیغات قابیلیتیندکی ضعیفلمه اونون تامامیله یوخ اولدوغو معناسینی وئرمیر.
آوروپادا گووئنلیکچی سیاستلرین آرتماسی و مسلمانلارا یؤنلیک اؤن محاکیمهلر یوکسلمهسی سببیله اؤزونو یاشادیغی جمعیتدن حاضیردا فرقلی حیس ائدن آدام و قروپلار داعشین هدفینده. تشکیلات، بو قروپلاردان اؤزونه عضولر قاتماق مقصدینده. بو سببله ترور سالدیریلارینین داوام ائتمهسی گؤزلنیلیر. آیریجا داعش؛ عراق، سوریه و یاخین شرقده اجتماعی نفوذونون ضعیف اولدوغو، یئرلی دوشمنچیلیگین سوردوگو یئرلرده اؤزونه یئنی ساحهلر آچماغی هدفلهیهجک. بو سببله پارتیزان طرزینه دؤنمهسی اولابیلهجک.
سوریهده رقه، عراقدا موصول، داعشین الیندن آلینسا بئله داعش و یا فرقلی آدلار آلتیندا اوخشار تشکیلاتلارا باغلی ترورچولار دونیانین مختلیف یئرلرینده قانلی سالدیریلارینی داوام ائتدیرمهیه داوام ائدهجک. بو سببله ده ترورلا اوزون نفسلی موباریزهده رئال بیر بین الخالق همرایلیگین و دوغرو بیر ایستراتژینین اولماسی اهمیتلی. داعش کیمی ترور تشکیلاتلارینین تأثیرینی قیرمانین یولو، اونو وار ائدن ایدئولوژیلری مغلوب ائتمک، ترور اصوللارینی اومید اولماقدان چیخارداجاق فیکیرلری جسارتلندیرمک، گلهجهیه اومیدله باخماغی تامین ائدهجک سیاسی بیر نیظام قورماقلا مومکون.
بو گون سوریهده آمریکا و موتتفیقلری بو ایستیقامتده سهو بیر ایستراتژی تطبیق ائدیر. داعشه قارشی پ.ک.ک / پ.ی.د / ی.پ.گ-نی گوجلندیریر. بیر ترور تشکیلاتینا قارشی باشقا بیر ترور تشکیلاتینی دستکلمک اودلا اویناماقدیر. بو شکیلده داعش یئنیلسه بئله اورتایا داها رادیکال ترور تشکیلاتلاری چیخاجاق. بو سببله داعشی یالنیز ساحهده دئییل فیکری پلاتفورمادا دا یئییله بیلهجک قانونی آکتورلارین دستکلنمهسی لازیمدیر. بو نقطهده آغلا گلن ان مقبول آکتور ایسه تورکمنلردیر. چونکی تورکمنلر؛ دموکراتیک، حقوقی، دونیوی، معاصر، غرب و دگرلری ایله بیر پروبلمی اولمایان، بؤلگهدکی بوتون اتنیک-دینی عنصورلارا حؤرمتلی بیر تشکیلاتلانمادیر. دستک وئریلسه تورکمنلر هر ساحهده داعشی و داعشی میدانا چیخاران سببلری اورتادان قالدیرا بیلر.
-----
آتاتورک اونیورسیتهسی بین الخالق ایلیشکیلر بؤلومو آراشدیرماچی جمیل دوغاچ ایپکین موضوعیلا باغلی قیمتلندیرمهسینی تقدیم ائتدیک ...