تورکیه پنجره سیندن اورتادوغو (18)
تورکیه جمهوریتی‌نین پرزیدنتی اردوغان باشدا اولماقلا تورکیه‌لی ایداره‌چی‌لر اوزون زامان‌دیر ترور تشکیلاتی پ.ک.ک-نین عراق و سوریه‌‌دکی وارلیغینا ایجازه وئرمه‌یه‌جک‌لرینی وورغولاییر
تورکیه پنجره سیندن اورتادوغو (18)
-------
فیرات قالخانی عملیاتی سونراسیندا تورکیه ترورلا موباریزه‌ده مرز اؤته‌سی عملیات‌لارینی داوام ائتدیره‌جه‌یم ایشاره‌لرینی وئردی. کئچدیگیمیز گون‌لرده تورکیه، عراق و سوریهده عینی واختدا بیر عملیات تشکیل ائتدی. بیز ده بو هفته پروقرامیمیزدا تورکیه‌نین بو عملیاتینی و بؤلگه‌یه تأثیرلرینی آنالیز ائدجگیک.
آتاتورک اونیورسیته‌سی اولوسلار آراسی ایلیشکی‌لر بؤلومو آراشدیرما جمیل دوغاچ ایپک‌ین موضوعویلا ایلیشکی قیمتلندیرمه‌سینی تقدیم ائدیریک ...
--------
تورکیه جمهوریتی‌نین پرزیدنتی اردوغان باشدا اولماقلا تورکیه‌لی ایداره‌چی‌لر اوزون زامان‌دیر ترور تشکیلاتی پ.ک.ک-نین عراق و سوریه‌‌دکی وارلیغینا ایجازه وئرمه‌یه‌جک‌لرینی وورغولاییر. ترور تشکیلاتی‌نین عراق‌داکی فعالیت ساحه‌سینی سینجار بؤلگه‌سینه گئنیشلتمه‌سی تورکیه‌نین قیرمیزی خط‌لرین‌دن بیری. بو سببله تورکیه، 24 آوریلی 25 آوریله باغلایان گئجه 02.00 'عینی واختلی اولا‌راق عراق و سوریهده ترور تشکیلاتینا قارشی هاوا حرکاتی ائتدی.
تورکیه بو هاوا حرکاتیندا عراقین شمالین‌داکی سینجار داغیندا 40-دان چوخ تروریستی، سوریه‌نین شمال-شرقین‌دکی کاراچوک داغیندا ایسه 4-و اوست سویه اولماقلا 49 تروریستی یوخ ائتدی. کاراچوک‌دا ایچلرینده اوست سویه بیر چوخ تروریستین ده اولدوغو 90دان چوخ تروریست یارالانیب. بونونلا بیرلیکده؛ عملیات هفته‌سی عرضینده ترورلا موباریزه‌ده 112 تروریست اؤلدورولدو. 2 تاپانچا، 53 مختلیف پیاده توفنگی، 2 ماشین‌لی توفنگ، 6 ر.پ.گ. موشک آتار، 4 نیشانجی توفنگی، بیر عدد 60لیک هاوان، بیر عدد س.ا-18 کونترول اولونان اوچاق سوار موشک مهماتی و 78 ال بومباسی تروریست‌لردن اله کئچیریلدی. آیریجا عینی هفته ایچینده 109 ال اوره‌تیمی پارتلاییجی اؤلدورولدو. یئنه تروریست‌لردن اله کئچیریلن 7.440 کیلو گرم آمونیوم نیترات یوخ ائدیلدی.
کاراچوک، تورکیه مرزینه چوخ یاخین. سینجار ایسه عراقدا و سوریه مرزینه چوخ یاخین. تورکیه‌نین بو بؤلگه‌یه نیظامی عملیات ائتمه سببی، پ.ک.ک-نین تورکیه‌یه ایستیقامت‌لی سالدیری‌لارینی بورا‌لارداکی ییغیناق‌لاری سایه‌سینده رئاللاشدیرماسی. بو عملیات ایله تورکیه بیر طرف‌دن سالدیری مرکزلرینی سیلینمه ائدرکن دیگر طرف‌دن اولا بیله‌جک بیر پلان دییشیک‌لیگینی ده مانع تؤره‌دیر.
تورکیه، عراق و سوریهده پ.ک.ک-نین گوجلنمه‌سین‌دن جیدی بیر تهدید قبول ائدیر. بو مزموندا هاوا عملیاتینی تورکیه‌نین اؤز تورپاق‌لاری ایچینده ایجرا ائتدیگی ترورلا موباریزه عملیات‌لاری‌نین مرز کنارینا دوغرو گئنیشلنمه‌سی اولا‌راق قیمتلن‌دیره بیلریک. تورکیه اؤلکه ایچینده اوزون زامان‌دیر داوام ائتدیردیگی ترورلا موباریزه عملیات‌لاریندا تام مناسییلا باشارییا چاتدی. تورک امنیت گوجلری، پاییز و قیش آیلاریندا پ.ک.ک-یا قارشی یالنیز شهر مرکزلرینده دئییل چؤل ساحه‌لرده ده بؤیوک بیر تمپو و اؤلچوده عملیات‌لار ائتدی. بو عملیات‌لار ترور تشکیلاتینا بؤیوک بیر ضربه ووردو. تورکیه تکنولوژینین ده دستگی ایله پ.ک.ک اوزرینده بؤیوک تضییق قوردو. بو نقطه‌ده، قطعی نتیجه و داها تأثیرلی بیر ضربه وورولابیلمسی اوچون مرز سونراسی حرکات‌لار دا طلب اولونور.
پ.ک.ک-نین شما‌لی عراق و شما‌لی سوریه‌‌دکی ترور فعالیت‌لری و بؤلگه‌دکی یئرلی گوج‌لرین پ.ک.ک-یا قارشی موباریزه‌ده غیری-کافی قالما‌لاری تورکیه‌نین عراق تورپاق‌لارین‌داکی نیظامی وارلیغینی و مرز سونراسی عملیات‌لارینی ضروری حالا گتیردی. تورکیه عینی واختدا بو عملیات‌لاری ایله ایستر عراقدا ایسترسه سوریهده اولسون، تورکیه‌نین امنتینه قارشی سالدیری‌لاردا اولان ترور تشکیلاتی پ.ک.ک-نی هر یئرده وورا بیله‌جگینی گؤستردی. تورکیه‌نین پ.ک.ک-ده قبول ائتدیگی عراق و سوریه قایناق‌لی گوجلو تهدیدین، ناتو موتتفیقی و ایستراتژی طرفداشی آمریکانین نزدینده ده آرتیق سؤزدن کنارا بیر جواب تاپماسی لازیم‌دیر. چونکی؛ پ.ک.ک، بوتون قول‌لاری و اوزادیلمالارییلا بیرلیکده بیر ترور تشکیلاتی‌دیر و هر یئرده تورکیه‌نین هدفی‌دیر. سون عملیات‌لاری ایله تورکیه، خبردارلیق‌لارینی، سؤزلرینی، قایغی‌لارینی نظره آلمایان اؤلکه‌لره قارشی جیدی بیر مساژ دا وئرمیش اولور.
تورکیه جمهوریتی، خصوصیله، عراق و سوریه سینیرلارینداکی امنیت تهدیدلرینی یالنیز دیپلوماسی ایله حل ائده بیلمیه‌جگینی فیرات قالخانی عملیاتینا قدر اولان مدتده آجی بیر شکیلده گؤردو. بو جوغرافیادا ترورلا موباریزه‌ده آغیر گوج ایستیفاده ائتمک هم سوریه، هم ده عراق معادله‌سینده گوجلو قالا بیلمک اوچون قاچینیلماز بیر وضعیت. بو عملیات ایله تورکیه سینیرلارینداکی پ.ک.ک تهدیدی ایله موباریزه‌دن، تک باشینا دا قالسا، ایمتیناع ائتمیه‌جگینی گؤستریر.
موضوعویلا ایلیشکی اولا‌راق تورکیه جمهوریتی‌نین پریزیدنتی رجب طیب اردوغان تومسیاددا ائتدیگی دانیشمادا بو وورغونو ائتدی: "سوریهده ترور تشکیلات‌لارینا وئردیک‌لری دستکله اؤلکه‌میزه قارشی دوشمنچیلیکلرینی آچیقجا اعلان ائتمک‌دن چکینمینلر بونو بیلسین‌لر، تورکیه، نه باهاسینا اولورسا اولسون، مرزلری‌نین یعنی باشیندا بیر ترور تشکیلاتینا و یا بیر ترور میدانا گلمه‌سینه هئچ واخت ایجازه وئرمه‌یه‌جک. بؤلگه‌ده پول‌لو عسگر کیمی ایستیفاده ائتدیک‌لری ترورچولارلا تورکیه‌نی دیزه گتیره بیله‌جک‌لرینی ظن ائدن‌لر یانیلدیق‌لارینی چوخ یاخیندا گؤره‌جک‌لر. فیرات قالخانی بیزیم سون دئییل، ایلک اوپراسیونوموزدور. بیر گئجه غفلتن گله بیلریک. "پرزیدنت اردوغانین بو سؤزلرین‌دن تورکیه‌نین ترورلا موباریزه‌سی‌نین قطعیتله داوام ائدجگی معناسینی چیخارا بیلریک. بو سبب‌دن فیرات قالخانی تورکیه‌نین بو جوغرافیا‌داکی سون سؤزو دئییل اؤن سؤزو اولموش‌دور.
------
آتاتورک اونیورسیته‌سی اولوسلار آراسی ایلیشکی‌لر بؤلومو آراشدیرما جمیل دوغاچ ایپک‌ین موضوعویلا ایلیشکی قیمتلندیرمه‌سینی تقدیم ائتدیک
