تورکیه پنجرهسیندن اورتادوغو (13)
تورکیهنین دستگی ایله اؤزگور سوریه اوردوسو - ÖSO، بابی، داعشی مغلوب ائدهرک تسلیم آلدی
![تورکیه پنجرهسیندن اورتادوغو (13)](http://cdn.trt.net.tr/images/xlarge/rectangle/615d/ae4c/34bb/5746ead1b9dbb.jpg?time=1719065239)
تورکیه پنجرهسیندن اورتادوغو (13)
تورکیه بیر طرفدن بعضی آوروپا اؤلکهلرینین دیپلوماسییه یاراشمایان حرکتلری ایله مشغول اولارکن دیگر طرفدن ده رفراندوم هیجانی یاشاییر. عینی زاماندا دا سوریهنین شمالیندا اهمیتلی اینکیشافلار اولور. بیز ده پروقرامیمیزدا شمالی سوریهدکی یئنی اینکیشافلاری آنالیز ائدجگیک.
آتاتورک اونیورسیته اولوسلار آراسی ایلیشکیلر بؤلومو آراشدیرماچی جمیل دوغاچ ایپکین موضوعیلا باغلی قیمتلندیرمهسینی تقدیم ائدیریک ...
----------
تورکیهنین دستگی ایله اؤزگور سوریه اوردوسو - ÖSO، بابی، داعشی مغلوب ائدهرک تسلیم آلدی. بئلهجه بؤلگهده دقتلر فیرات قالخانی عملیاتینین رئاللاشدیغی بؤلگهیه قیدی. تورکیه سیراداکی هدفینین قیسا وعدهده مونبیچ اوزون وعدهده ده رقه اولدوغونو سؤیلهدی. بو ایستراتژینین مقصدی شمالی سوریهنی تروردن تمیزلمک. بو شکیلده بؤلگهده ساواش سببیله ائولرینی ترک ائدنلرین ده دؤنه بیلهجگی بیر اعتبارلی بؤلگه قورولاجاقدی. اوسو مونبیچه دوغرو ایلک آددیملارینی آتارکن تابلو بیردن-بیره دییشدی. مونبیچ مرز خطیندکی پ.ک.ک / ی.پ.گ گوجلری یئرلرینی اسد رژیمینه ترک ائتدی. اسد رژیمی و بعضی روس عسگرلری مونبیچه گیردی. آمریکا دا بو سالدیریدا سسسیز قالاراق تصدیق وئردی. مونبیچدن سونرا آفرینده ده روس عسگرلری ی.پ.گ-نی قوروماغا آلدی. بئلهجه داعش ایله مرزی قالمایان تورکیهنین ی.پ.گ-نی وورما احتیمالی آرادان قالدیریلماق ایستنیر. آیریجا آمریکا و روسیا، پ.ک.ک / ی.پ.گ.نی ایستیفاده ائتمه، اؤز ایدارهسینه آلما رقابتی داوام ائتدیریر.
ترامپ رهبرلیگینین هله سوریه سیاستی دقیق دئییل. آنجاق پنتاگونون پ.ک.ک / پ.ی.د / ی.پ.گ گوجلرینی داعش ایله موباریزهده ایستیفاده ایستگی داوام ائدیر. ایکی اؤلکه آراسینداکی رقه موضوعسو بؤیوک بیر بحرانا یول آچما پوتانسیلینه صاحب. آمریکا مرکزی قوهلر قوموتانلیغینین (CENTCOM) گونو قورتارماغا یؤنلیک پ.ک.ک ایله قوردوغو اورتاقلیق، اورتا و اوزون وعدهده آمریکانین باشینی آغریدابیلیر. آمریکا، تورکیهنین حساسلیقلارینی نظره آلمازسا؛ سوریهده باشاریلی اولما احتیمالی چوخ آشاغی. باشاریلی اولسا بئله ثابتلیک تامین ائتمهسی ایسه چوخ چتیندیر.
روسیا ایسه اسد رهبرلیگی آلتیندا مدنی مختاریت وئرمه وعدی ایله پ.ی.د / ی.پ.گ-نی یانینا چکمهیه چالیشیر. روسیانین سوریهده پ.ی.د / ی.پ.گ-نی دستکلمهسی یئنی بیر فاکت دئییل. پ.ی.د / ی.پ.گ-نین منسوبو اولدوغو ترور تشکیلاتی پ.ک.ک ایله روسیانین موناسیبتلری قیرخ ایله یاخین بیر کئچمیشه صاحب. حلب محاصیرهسینده روسیا، اسد رژیمی و پ.ی.د بیرلیکده حرکت ائتدی. بو گون ده روسیا پ.ک.ک / پ.ی.د نه آمریکا، نه ده باشقا بیر دولتین گودومونده قالماسینی ایستمیر. هم آمریکا، هم ده روسیا باخیمیندان پ.ک.ک / پ.ی.د / ی.پ.گ ایله رقهیه گیرمک، مونبیچی پ.ی.د-یه بوراخماق کیمی آددیملار چوخ تهلوکهلی. اهالیسی سوننی عرب و تورکمن آغیرلیقلی اولان رقهنین مارکسیست / ایستالینیست پ.ی.د-یه بوراخیلماسی و بورادا یاشانا بیلهجک ساواش جینایتلری، ایللرجه داوام ائدهجک یئنی بیر اتنیک ساواشین فیتیلینی آتشلیهبیلیر.
دیگر طرفدن سوریهلی مخالیفلرین شام و حماداکی عملیاتلاری ساده بیر حرکتلیلیک دئییل. یاخیندا لازقیه یا دا غرب حلبده یئنی بیر چاتیشما مدتی یاشانا بیلر. تورکیهنین سوریه و عراقداکی یئرلی آکتورلارلا ایش توتومونو و جبههلری تأثیر ائتمه قابیلیتینی کیچیک حساب ائتممیین لازیمدیر. تورکیه ایندییه قدر داعشه قارشی اورتایا قویدوغو موباریزه مرز خطینی داعش تهدیدیندن قورتاردی. بو مرحلهده تورکیهنین اؤنجهلیک داعش دئییل، پ.ک.ک-نین. حال-حاضیردا تورکیهنین اؤز مرز امنیتینه ان بیرباشا تهدید اولان سوریهدکی پ.ک.ک قورولماسینا فوکوسلانماسی چوخ طبیعیدیر.
نهایت پ.ک.ک / پ.ی.د بیر ترور تشکیلاتیدیر. بو ترور تشکیلاتی بیر طرفدن ایستالینیست ایدئولوژییه صاحب اولدوغو ادعاسیندا. دیگر طرفدن ده آمریکا، اسد رژیمی و آلمانیا کیمی گئنیش مقیاسدا موتتفیق شبکهسینه صاحب. حقیقتن سورئال بیر تابلو. پ.ک.ک / پ.ی.د بو آندا سوریهنین شمالیندا بیر موستقیل دولت قورما خیالی ایچریسینده. قیسا مدت اوّل ده تورکیهده خندق قازاراق ترور فعالیتلری ایله مختاریت اعلان ائدهبیلهجکلری خیاللاری واردی. خاریجی آکتورلارین دستگینه باخمایاراق پ.ک.ک-نین سونو خندقلره باسدیریلماق اولدو. یاخین شرق تاریخی باشقالارینین پروژهلری ایله اؤز هدفلرینی گرچکلشدیرهبیلهجگینی اومان تاشئرونلارین آجی سونلاری ایله دولودور. نهایت، آمریکا و روسیانین دؤوری و قیسمن دستگی پ.ک.ک / پ.ی.د تورکیهدن قورویا بیلمز. سون دؤورده اینکیشاف ائدن تورک-روس امکداشلیق، سوریهده قورولان یئنی معادلهنین دییشمهسینده تأثیرلی اولابیلر. بونون اوچون تورکیه بیر طرفدن ساحهده گوجونو گؤستررکن دیگر طرفدن ده آمریکا و روسیا نزدینده چوخ دیپلوماسی داوام ائتدیرمهلی.
اصلینه باخیلسا بو آندا شمالی سوریهده ساحه بؤیوک نیسبتده کیلیدلنمیش وضعیتده. بوتون آکتورلار تورکیهدکی رفراندومو گؤزلییر. پنتاگونون ایصرارینا باخمایاراق تام اولاراق پ.ی.د ایله امکداشلیق قراری آلمایان باشقان ترامپ، قطعی قرارینی تورکیهدکی رفراندوم نتیجهسینه گؤره وئره بیلر.
--------
آتاتورک اونیورسیته اولوسلار آراسی ایلیشکیلر بؤلومو آراشدیرماچی جمیل دوغاچ ایپکین موضوعیلا باغلی قیمتلندیرمهسینی تقدیم ائتدیک ...