تورکیه پنجرهسیندن اورتادوغو(12)
مارس 2011-جی ایلده خالقین دمکراتیک طلبلری ایله باشلایان سوریه اینقیلابی آلتی یاشیندا
تورکیه پنجرهسیندن اورتادوغو(12)
سوریهده خالقین دمکراسی طلبلریله باشلایان سوریه اینقیلابی آلتینجی ایلینی دولدوردو. حال-حاضیردا سوریه؛ اسد رژیمینین اتوریتهسینین آشیندیغی، دولت دیشی آکتورلارین یوکسلدیگی ملهز بیر دؤور یاشاییر. دولت دیشی آکتورلار آراسیندا پ.ی.د / ی.پ.گ و داعش کیمی ترور تشکیلاتلاری دا وار. بیز ده پروقرامیمیزدا بو هفته سون اینکیشافلار ایشیغیندا سوریهده پ.ی.د / ی.پ.گ ترورونو آنالیز ائدجگیک.
آتاتورک اونیورسیتهسی اولوسلار آراسی ایلیشکیلر بؤلومو لابورانت جمیل دوغاچ ایپکین موضوعیلا باغلی قیمتلندیرمهسینی تقدیم ائدیریک ...
--------
مارس 2011-جی ایلده خالقین دمکراتیک طلبلری ایله باشلایان سوریه اینقیلابی آلتی یاشیندا. سوریه دولت دیشی آکتورلارین یوکسلدیگی ملهز بیر دؤور ایچریسینده. ترور تشکیلاتی پ.ک.ک-نین سوریه قولو اولاراق شمالی سوریهده اورتایا چیخان پ.ی.د / ی.پ.گ ده بو یئنی دؤورون آکتورلاریندان بیری اولاراق اورتایا چیخدی. پ.ی.د / ی.پ.گ سوریهده یاشانان کاوسدان ایستیفاده ائتمیشلر. اسد رژیمیله گیردیگی امکداشلیق و غربین دستگی سایهسینده قیسا مدتده تورکیه-سوریه مرز خطینده بعضی بؤلگهلری کونترولو آلتینا آلدی. بو بؤلگهلرده کانتون اعلان ائتدی.
پ.ی.د (داعش تهدیدینی ده ایستیفاده ائدهرک) اؤزونو آمریکا و روسیا کیمی بؤلگه خاریجی بؤیوک گوجلره راحت بیر آکتور اولاراق تقدیم ائتدی. دیگر طرفدن غیری-قانونی ترور اصوللاری ایستیفاده ائدهرک بؤلگهده فعالیتینی آرتیردی. پ.ی.د بؤلگهده نفوذ یوخلوغوندان فایدالاناراق اؤز هدفلری ایستیقامتینده شمالی سوریهده ترور فعالیتلرینی داوام ائتدیریر. سوریهدکی کاوتیک نیظامدان فایدالاناراق، آمریکانین دستگی ایله کانتونلار بیرلشدیرمهیه چالیشیر. تورکیه ایسه بو سالدیریدا نیظامی بیر جواب وئرهرک فیرات قالخانی حرکاتینی باشلاتدی. بئلهجه پ.ی.د / ی.پ.گ-نین کانتونلار بیرلشدیرمه پلانی سویا دوشدو.
سوریهنین شمالیندا یارانان اوتوریته بوشلوغونو قیمتلندیرن پ.ک.ک، سوریه قولو اولاراق 17 اوکتوبر 2013 تاریخینده پ.ی.د-نین قوردو. 2011-جی ایلده عرب باهارینین دا تاثیریله سوریهده باشلایان اینقیلاب حرکتی کورد قروپلاردان ده دستک گؤردو. گلهجک حرکاتی لیدری میشل تمو کیمی آدلار اؤن پلانا چیخدی. و کوردلر ده رژیم علیهداری قیاما قاتیلدی. قیسا بیر مدت سونرا میشل تمو اؤلدورولدو. طرفدارلاری ایسه بوندان اسد رژیمینی و پ.ی.د-نی مسئول توتدو. بئلهجه رژیم مخالیفی کوردلر زمین ایتیردی. اسد رژیمیله علاقهلری یاخشی توتان پ.ید. اؤن پلانا چیخماغا باشلادی.
پ.ی.د نیظامنامهسینه، اوزولوک اوچون آختاریلان شرطلرده، پ.ک.ک لیدری عبدالله اؤجالانا باغلیلیق اساس آلینیر. بو معلومات پ.ک.ک-پ.ی.د باغلانتیسینی گون اوزونه چیخارماق اوچون کافی. پ.ک.ک / ک.ج.ک، سوریهدکی قولو اولان پ.ی.د اوزریندکی موطلق ایدارهسینی فرقلی آدلارلا دا داوام ائتدیریر. ائدیلن آراشدیرمالارا گؤره بیر چوخ پ.ک.ک عضوو، سوریه بحرانینین باشلاماسینین آردیندان پ.ک.ک طرفیندن پ.ی.د-نین سیلاحلی فعالیتلرینی ایجرا ائتمهلری اوچون وظیفهلندیریلدی.
آوروپا اؤلکهلری پ.ی.د ترور تشکیلاتینین اؤز اؤلکهلرینده تمثیلی فعالیت ائتمهسینه جیدی بیر شکیلده قارشی قویمور. آیریجا بعضی دولت باشقانلارینین پ.ی.د / ی.پ.گ-یه خصوصی ماراق گؤستردیگی ده گؤرولور. مسئلن فرانسا پرزیدنتی، الیسزا ساراییندا پ.ی.د همصدری آسیا عبدالله و یپژ قوموتانی نسرین عبدالله ایله بیر گؤروشمه رئاللاشدیردی. پ.ی.د-لیلر سیخلیقلا آوروپا پارلامنتینده گؤروشمهلر وار. سپتامبر 2016دا پ.ی.د همصدری صالح مسلیم آوروپا پارلامنتینه گئتدی. بورادا فیرات قالخانی حرکاتینی هدف آلاراق دانیشدی و تشکیلات اوچون دستک آختاردی.
ی.پ.گ اؤلکهنین شمالیندا رژیم گوجلرینین راضیلاشمالی بیر شکیلده چکیلمهیه باشلاماسییلا عین العرب، آمود و آفریند، جیدی بیر چاتیشمایا گیرمهدن اله کئچیردی. ی.پ.گ بو آن س.د.گ ماسک آرخاسینا گیزلنمهیه چالیشیر. سوریه دمکراتیک گوجلری – س.د.گ-نین هاراداسا% 90ینی ی.پ.گ-نین میدانا گتیردیگی ده بیلینیر. ی.پ.گ-نین اینسان حاقلاری پوزونتولاری بارهسینده پروندهسی خیلی قاباریق. خاطیرلاناجاغی کیمی ی.پ.گ-نین رقه شهرینین شمالینداکی تل آبیضده (تورکمن، سوننی عرب و اؤزونه بیعت ائتمهین کورد مسکونلاشمالارینا) تشکیل ائتدیگی سالدیریلار سببیله یوز مینلرله اینسان کؤچ ائتمک مجبوریتینده قالدی. بو سببله پ.ی.د-ی.پ.گ-نین عاجیل اولاراق فیراتین شرقینه چکیلمهسی لازیمدیر. فیراتین شرقینده ده اوزون وعدده بارینماسینین مانع تؤردیلمهسی مجبوری. ی.پ.گ-نین اولوسلار آراسی جزا محکمهسی و ژنو آنایاساسینین وطنداشلارین حاقلاری بارهسینده یئر آلان مادهلری پوزونتو ائدر خصوصیتده ایشلدیگی جینایتلر قارشیسیندا اولوسلار آراسی جمعیتین ده آرتیق سسسیزلیگینی پوزماسی گؤزلنیلیر.
پ.ی.د-نین اوشاق دؤیوشچولر ایستیفاده ائتدیغی ده بیلینیر. اینسان حاقلاری ایزلمه تشکیلاتی؛ Human Rights Watch) ) ی.پ.گ-یی اوشاقلاری ساواشدیرماقلا گوناهلاندیردیغی بیر راپور یایینلادی. راپوردا 12 یاشینداکی اوشاقلارین دا سیلاحلی گوجلره داخیل ائدیلدیگی معلوماتلاری وار. چاتیشمالار سونراسیندا تشکیل ائدیلن جنازه مراسیملرینده اوشاق یاشدا خادیملرین ده اولماسی ادعالاری تصدیقلییر.
رسمیت قازانمیش معلوماتلارا گؤره پ.ی.د / ی.پ.گ ایچریسینده چوخ سایدا خاریجی تروریست ده وار. بونلارین اهمیتلی بیر قیسیمی ده آوروپادان گلیر. غرب بو بارهده آرتیق تدبیر آلمالی و پ.ی.د / ی.پ.گ-یه دستگینی کسمهلی. بو خاریجی ساواشان بیر گون تورپاقلارینا پوتانسیل بیر " Anders Behring Breivik " اولاراق گئری چئویرمک بیلر اطرافلیجا دوشونمک لازیمدیر. چونکی ترور بیر بومرنگدیر. ائنینده سونوندا اونو آتانالی وورور. پ.ی.د / ی.پ.گ-نی دستکلهین گوجلر بونو نظره آلمالیدیرلار.
--------
آتاتورک اونیورسیتهسی اولوسلار آراسی ایلیشکیلر بؤلومو لابورانت جمیل دوغاچ ایپکین موضوعیلا باغلی قیمتلندیرمهسینی تقدیم ائتدیک ...