تورکیه پنجره‌سیندن اورتادوغو (8)
تورکیه جمهوریتی و اؤزگور سوریه اوردوسو البابدا داعش ترور تشکیلاتینا قارشی جیدی بیر ایره‌لیلمه قید ائتدی
تورکیه پنجره‌سیندن اورتادوغو (8)
تورکیه جمهوریتی و اؤزگور سوریه اوردوسو البابدا داعش ترور تشکیلاتینا قارشی جیدی بیر ایره‌لیلمه قید ائتدی. بیز ده پروقرامیمیزدا بو هفته الباب سونراسیندا فیرات قالخانی عملیاتی‌نین گل‌جگینی و هانسی بؤلگه‌لره دوغرو گئنیشله‌یه آنالیز ائدجگیک.
آتاتورک اونیورسیته‌سی اولوسلار آراسی ایلیشگیلر بؤلومو آراشدیرما جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائدیریک ...
-------
فیرات قالخانی عملیاتی‌نین الباب قیسیمینده سونا یاخینلاشیلدی. البابین اله کئچیریلمه‌سی اوچون شهر دؤیوشو باشلادی. 8 فوریه 2017 گئجه‌سی شهری اله کئچیرمک اوچون عملیات باشلادیلدی و تورکیه دستک‌لی اؤزگور سوریه اوردوسو گوجلری شهرین غرب طرفین‌دن مرکزه گیرمه‌یه باشلادی. بعضی مئدیا قورولوش‌لاری عملیاتین بیتدیگینی ائشیتدیردی. آنجاق ساحه‌دن آلدیغیمیز معلومات‌لار و رسمی آچیقلاما‌لار عملیاتین داوام ائتدیگینی سؤیله‌ییر. قیسا بیر زامان سونرا البابین تورکیه و اؤزگور سوریه اوردوسونون کونترولونا گیرمه‌سی قوت‌لی بیر احتیمال. یاخشی سونرا نه اولا‌جاق؟ فیرات قالخانی عملیاتی بیته‌جک می؟ یوخسا گئنیش‌لنه‌جک می؟ گئنیشلرسه، فیرات قالخانی‌نین سونراکی هدف‌لری هانسی بؤلگه‌لر اولا‌جاق؟
بو قونودا سون دؤورده فرق‌لی آچیقلاما‌لار گلدی. آنجاق پرزیدنت اردوغان کؤرفز اؤلکه‌لری سیاحتی اؤنجه‌سی مطبوعات کونفرانسیندا تورکیه‌نین سوریه سیاستی‌نین هدف‌لرینی و چرچیوه‌سینی آچیقلادی. البابین دوشمک اوچون اولدوغونو، یئنی هدفین ایسه رقه و مونبیج اولاجاغینی سؤیله‌دی.
تورکیه‌نین سون هدفی الباب دئییل. هدف، بؤلگه‌نین داعش و پ.ک.ک / ی.پ.گ کیمی بوتون ترور تشکیلاتلاریندان تمیزلنمه‌سی. بو هدفین چرچیوه‌سیسه شما‌لی سوریه‌ده 4-5 مین کیلومتر مربع‌لیک تروردان تمیزلنمیش اعتبارلی بیر بؤلگه یاراتماق و بو بؤلگه‌نی اوچوشا قاداغان حالا گتیرمک. بئله‌جه سوریه‌لی گؤچمن‌لردن بیر قیسیمینی بو بؤلگه‌لره یئرلش‌دیرمک.
باب ایله رقه آراسیندا بو آندا بعضی کریتیک نقطه‌لر اسد رژیمی و ی.پ.گ-نین کونترولوندا.
البابین تورکیه و اؤزگور سوریه اوردوسو کونترولونا کئچمه‌سی فیرات قالخانی‌نین آرتیق داعش بؤلگه‌لری ایله مرزی‌نین قالماماسی دئمک‌دیر. فیرات قالخانی‌نین بون‌دان سونراکی مرحله‌سی‌دیر مونبیج، تل آبیض و آفرین / تل ریفات بؤلگه‌لرینده سیخلاشماسی احتیمال ایچینده.
رقه شهر مرکزی تورکیه مرزینه اوزاق بیر بؤلگه‌ده یئر ائدیر و تورکیه باخیمین‌دان عاجیل بیر تهدید دئییل. داعشین بورا‌دان تورکیه‌نی هدف آلما شانسی یوخدور. آنجاق یئنه ده داعشین تورکیه باخیمین‌دان تهدید اولماق‌دان تام مناسییلا چیخاریلابیلمسی اوچون، رقه‌نین تشکیلات‌دان تمیزلنمه‌سی چوخ اهمیت‌لی.
آمریکا و غرب طرفین‌دن اعلان ائدیلن "رقه عملیاتی سوریه دموکراتیک گوجلری-سدگ ایله ایجرا ائدیلیر، رقه قورتاریلدیقدان سونرا ی.پ.گ عنصورلارینی شهردن چکجگیک" آچیقلاما‌لاری ایناندیریجی دئییل. مونبیج و تل آبیض‌دا دا عینی شئی‌لر دئییلمیشدی. آنجاق ی.پ.گ چکیلمه‌دی. آیریجا تل آبیض و اطرافیندا اؤزونه بویون ایمه‌ین عرب‌لر، تورکمن‌لر و کوردلر ی.پ.گ طرفین‌دن زورلا کؤچ ائتدیریلدی.
تورکیه، عرب‌لر و تورکمن‌لر ایله کوردلر آراسیندا تاریخی دوشمنچی‌لیک توخوم‌لاری آتا‌جاق و مرزلرینده اوزون مدت‌لی غیری-ثابت‌لیک دوغورا‌جاق اینکیشاف‌لارا مانع اولماق ایستییر. بو سببله ده رقه عملیاتی‌نین ایچینده اولماق آرزوسوندا. تورکیه رقه عملیاتینا قاتیلسا، فراتین شرقینده ده زمین قازانار. بو زمینی بیر سونراکی مرحله‌ده ی.پ.گ ایله موباریزه‌ده ایستیفاده ائده بیلر.
رقه‌نین تورکیه باخیمین‌دان دیگر اهمیت‌لی یؤن‌لری ایسه رقه‌لی سیویل‌لرله باغلی. رقه‌نین داعش و ی.پ.گ کونترولونا گیرن قیسیم‌لرین‌دن، یوز مین‌لرله رقه‌لی تورکیه‌یه کؤچ ائتدی. هم مونبیجین هم ده رقه‌نین یئرلی خالقی سوننی عرب و تورکمنلردن عبارت‌دیر تورکیه بو اینسان‌لارین ائولرینه دؤنمه‌لرینی تامین ائده‌جک شرط‌لری یاراتماق ایستییر.
پرزیدنت اردوغانین دا ایفاده ائتدیگی اوچون فیرات قالخانی داها جنوبا اینمه‌یه‌جک. هم موسکوانین هم ده واشینگتونون سوریه و عراقدا داعش ایله موباریزه ایستراتژیسینده تورکیه ایله آکتیو رول پای‌لاشیمی قونوسوندا ایستک‌لی اولدوغو بیلینیر. آنجاق بو ایکی اؤلکه‌نین ی.پ.گ-یه یاناشماسی یئنی دؤورده آنکارا-واشینگتون و آنکارا-موسکوا علاقه‌لری‌نین گله‌جگینی تعیین ائده‌جک.
موسکوا واشینگتونا نیسبتله ی.پ.گ-یه داها مسافه‌لی گؤرونور. آنجاق ترامپ رهبرلیگی‌نین داورانیشی هله دقیقلشمیش دئییل. ترامپ و قروپون‌داکی آدلاردان سوریه‌ده تورکیه ایله امکداشلیغا دؤنوک مثبت مساژلار گلیر. آنجاق عینی مسئول‌لار ی.پ.گ ایله اتفاقین اهمیتینه ده وورغو ائدیر. ترامپ رهبرلیگی رادیکال یئنی یاخین شرق سیاستی‌نین هدف‌لرینه. تورکیه ایله احاطه‌لی، ایستراتژی بیر امکداش‌لیق ائتمه‌دن چاتا بیلمز. اوباما رهبرلیگی‌نین هم تورکیه هم ی.پ.گ ایله اتفاق یاناشماسی داوام اتدیریلیرسه بو امکداش‌لیق تامین ائدیله بیلمز. بو باخیم‌دان یئنی آمریکا رهبرلیگی‌نین آرتیق بیر سئچیمه مجبور قالاجاغینی سؤیله‌یه بیلریک.
------
آتاتورک اونیورسیته‌سی اولوسلار آراسی ایلیشگیلر بؤلومو آراشدیرما جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائتدیک ...
