تورکیه پنجرهسیندن اورتادوغو(6)
آستانادا تورکیه، روسیا و ایرانین گارانتورلوغوندا 23 ژانویه 2017ده باشلایان سوریه باریش دانیشیقلاری 24 ژانویه اعتباریله مثبت بیر هاوادا نتیجهلندی
![تورکیه پنجرهسیندن اورتادوغو(6)](http://cdn.trt.net.tr/images/xlarge/rectangle/615d/ae4c/34bb/5746ead1b9dbb.jpg?time=1718805254)
تورکیه پنجرهسیندن اورتادوغو(6)
تورکیه، روسیا فدراسیونو و ایرانین گارانتورلوغونده قازاقیستانین باشکندی آستانادا کئچیریلن سوریه باریش دانیشیقلاری عمومیتده مثبت بیر هاوادا نتیجهلندی. بیز ده بو هفته پروقرامیمیزدا آستانا دانیشیقلارینی و سوریه کریزینه عکس اولونمالارینی آنالیز ائدجگیک.
آتاتورک اونیورسیتهسی اولوسلار آراسی ایلیشگیلر بؤلومو اوستادی جمیل دوغاچ ایپکین موضوعیلا باغلی قیمتلندیرمهسینی تقدیم ائدیریک ...
--------
آستانادا تورکیه، روسیا و ایرانین گارانتورلوغوندا 23 ژانویه 2017ده باشلایان سوریه باریش دانیشیقلاری 24 ژانویه اعتباریله مثبت بیر هاوادا نتیجهلندی. بو توپلانتینین اوچ قارانتور اؤلکه خاریجی ایشلر ناظیرلرینین موسکوادا 20 دسامبر 2016 تاریخینده ائتدیکلری اورتاق آچیقلامانین بیر نتیجهسی اولاراق اورتایا چیخدیغینی دا سؤیلملیگیک. آستانا دانیشیقلاری اصلینده تورکیه پرزیدنتی اردوغان و روسیا پرزیدنتی پوتینین ایکیطرفلی ایلسشگیلری نورماللاشدیرما ایرادهسینین کانکرئت بیر گؤستریجیسی و باشاریسی. آتشکسین گلهجگی و سیاسی پروسهیه چئوریلمهسی بارهسینده ده اردوغان و پوتینین ایراده و قرارلیلیغینا احتیاج وار.
دوغروسونو سؤیلمک لازیم اولسا آستانا دانیشیقلاری اوچون طرفلرده گؤزلمهلری چوخ یوکسک دئییلدی. چونکی آستانا دانیشیقلارینین باشلیجا مقصدی 30 دسامبر 2016دا اعلان ائدیلن آتشکسی قالیجی بیر حالا چئویرمک و بو آتشکسین داوامی اوچون اوچ اؤلکهنین گارانتورلوغوندا مکانیزملرین یارادیلماسینی تامین ائتمک ایدی. قارانتور اوچ اؤلکهنین سوریه بحرانینی ان تأثیرلی اوچ اؤلکه اولماسی سببیله آستانا دانیشیقلاری و آتشکسین کئچمیش گؤروشمه و آتشکس نیسبتله شانسی داها یوکسک.
آستانادا حل ائدیلمهسی چتین موضوعلارا ایلک مرحلهده هئچ گیریلمدی. یالنیز سیاسی حلین شرطلری میدانا گتیرهجک آتشکسه یوغونلاشیلدی. داعش، نصرا جبههسی آتشکسین احاطهسی خاریجینده توتولدو. تورکیهنین ایستگی ایله ترور تشکیلاتی پ.ک.ک-نین سوریه قولو اولان پ.ی.د-ی.پ.گ ده آستانا پروسهسینین خاریجینده یئر آلیر. آستانادا سوریه تورکمنلرینی سوریه تورکمن مجلیسینین سیاسی و نیظامی قانادی تمثیل ائتدی.
سوریه اوچون باریش دانیشیقلاریندا طرفلر هله یولون باشیندا. پروسهنین ایرهلیلهین مرحلهلری اوچون دانیشیقلارین گوندمی اؤنجه نتلشمهلی. گؤروندوگو قدریله بو گوندم هله حاضیر دئییل. آتشکسین احاطهلی بیر شکیلده تطبیق اولونماسی و گودولمهسی اوچون تورکیه-روسیا و ایران طرفیندن اوچلو بیر مکانیزم قورولوب. بو مکانیزم آتشکسین ساغلام بیر شکیلده داوام ائتمهسی اوچون چوخ اهمیتلی. اؤنوموزدکی مدتده سیاسی موضوعلار گؤروشولمهیه باشلانمادان اؤنجه ائدیلمهسی لازیم اولانلار وار. بوتون طرفلر آتشکس طلبلرینی یئرینه یئتیرمهلی، محاصیره آلتیندا یاشایان وطنداشلارا اینسانی کؤمک اولاشدیریلمالی، سیاسی محبوسلار سربست بوراخیلمالی.
قارانتور اؤلکهلر اؤنوموزدکی مدتده ده پ.ک.ک / پ.ی.د / ی.پ.گ.نی، داعشی و نصرا جبههسینی دیگر قروپلاردان آییرمالی. آستانادا ماسادا ذاتن دا بو اوچ ترور قروپو یوخ ایدی. تورکیه، ایران و روسیا آراسینداکی راضیلاشما متنی، پ.ک.ک / ی.پ.گنین سوریهنین قوزئیندکی "مستقیللیک"، "دموکراتیک فدراسیون" و س. طلبلرینه ایجازه ائتمیر. ی.پ.گ-نین ترور تشکیلاتی پ.ک.ک-نین سوریه قولو اولدوغو هر کسین معلومو. سوریه دموکراتیک گوجلری – س.د.گ-نین هاراداسا% 90ینی ی.پ.گ-نین میدانا گتیردیگینی ده بیلیریک. ی.پ.گ-نین اینسان حاقلاری پوزونتولاری بارهسینده پروندهسی چوخلو قاباریق. خاطیرلاناجاغی کیمی ی.پ.گ-نین رقه شهرینین قوزئیندکی تل ابیاضدا (تورکمن، سوننی عرب و اؤزونه بیعت ائتمهین کورد مسکونلاشمالارینا) تشکیل ائتدیگی سالدیریلار سببیله یوز مینلرله اینسان کؤچ ائتمک مجبوریتینده قالدی. بو سببله پ.ی.د-ی.پ.گ-نین عاجیل اولاراق فیراتین شرقینه چکیلمهسی لازیمدیر. فیراتین شرقینده ده اوزون وعدهده بارینماسینا مانع اولونماسی مجبوری. ی.پ.گ-نین بین الخالق جزا محکمهسی و ژنو سوزلشمهسینده سیویللرین حاقلاری بارهسینده یئر آلان مادهلری پوزونتو ائدر خصوصیتده ایشلدیگی جینایتلر قارشیسیندا بین الخالق توپلوم دا آرتیق سسسیزلیگینی پوزمالی.
سوریه تورکمنلرینین سوریهنین گلهجگینده اؤنجهلیغی بیر حقوقی ایستاتوس آلماق. 1921 آنکارا، 1923 لوزانا، 1939 تورکیه-فرانسا آندلاشمالاریندا سوریهده تورکمنلره یؤنلیک هر هانسی بیر ایستاتوس وئریلمهدی. بو وضعیت دؤورون آزینلیق آنلاییشینین دینی تملده گؤرولمهسی و سوریه تورکمنلرینین ده اکثریتی مسلمان بیر اؤلکهنین مرزلرینین ایچریسینده اولماسی ایله ده باغلی. بو سببدن سوریه تورکمنلره حال-حاضیردا سوریهده بیرباشا کندیلیغیندن اولاراق آیری بیر حقوقی ایستاتوس وئرن دئییل.
سوریه تورکمنلری ایله باغلی اولاراق آتیلاجاق بوتون آددیملارین اوزون وعدهده اوغور گتیرمهسی حقوقی ایستاتوسون ساغلاملیغینا باغلی. حقوقی ایستاتوس نقطهسینده 2014-جی ایلده اوکرایندا کریمه تاتار تورکلرینین آنایاسال حاق اولاراق قازاندیغی 'یئرلی خالق ایستاتوسو تورکمنلر طرفیندن نومونه آلینان و طلب ائدیلن بیر مودئل. نتیجه اولاراق؛ حقوقی ایستاتوس تورکمنلر اوبژکتیویته / نسنللیک قازاندیرار. سوریهده تورکمنلرین موجود وضعیتی ایسه تأسف کی، سوبژکتیویته / اؤزنللیک حالیدیر. بو سببله تورکمنلر اولاراق اؤنجه لیک هدفلرینی بیر ایستاتوس سندی قازانماق اولاراق تعیین ائتدی. چونکی حقوقی ایستاتوس ایرهلیلهین ایللر اوچون (اوستو سیلینمیش بئله اولسا) بیر قبالهدیر.
نتیجه اولاراق آستانا دانیشیقلاری سوریهده بحرانین حلّی یولوندا آتیلان کیچیک اما باشاریلی بیر آددیم اولدو. آنجاق آستانا دانیشیقلاری سونراسیندا سیاسی حلّین یاخین اولدوغونو سؤیلمک مومکون دئییل. چونکی طرفلر آراسیندا اساسلی باشلیقلار سیاسی مذاکیرهلر اثناسیندا گوندمه گلهجک.
آتاتورک اونیورسیتهسی اولوسلار آراسی ایلیشگیلر بؤلومو اوستادی جمیل دوغاچ ایپکین موضوعیلا باغلی قیمتلندیرمهسینی تقدیم ائتدیک