تورکیه پنجره سیندن اورتادوغو (4)
تورکیهنین سوریه بحرانینی باشلیجا اوچ تهدید آلقیسی وار. ترور تشکیلاتلاری داعش، پ.ک.ک و اؤز خالقینا ظلم ائدن اسد رژیمی
![تورکیه پنجره سیندن اورتادوغو (4)](http://cdn.trt.net.tr/images/xlarge/rectangle/2c0b/47a5/790e/5885dc18733fd.jpg?time=1718860974)
تورکیه پنجره سیندن اورتادوغو (4)
تورکیه جمهوریتی سوریهنی پایگاهی توتان ایکی ترور تشکیلاتی داعش و پ.ک.ک / ی.پ.گ ایله موباریزه ائتمک اوچون آزاد سوریه اوردوسو ایله بیرلیکده فیرات قالخانی عملیاتینی داوام ائتدیریر. بیز ده فیرات قالخانی عملیاتینین آنالیز ائدجگیک.
آتاتورک اونیورسیتهسی اولوسلار آراسی ایلیشگیلر بؤلومو آراشدیرما اوستادی جمیل دوغاچ ایپکین موضوع ایله باغلی قیمتلندیرمهسینی تقدیم ائدیریک ...
-------
تورکیهنین سوریه بحرانینی باشلیجا اوچ تهدید آلقیسی وار. ترور تشکیلاتلاری داعش، پ.ک.ک و اؤز خالقینا ظلم ائدن اسد رژیمی. تورکیهنین سون دؤورده قوزئی سوریهدکی اؤنجهلیکلری دییشدی و اؤنجهلگی داعش و پ.ک.ک ایله موباریزهیه وئردی. بو سببله تورکیه جمهوریتی سوریهنی بازا توتان ترور تشکیلاتلاری داعش و پ.ک.ک / ی.پ.گ ایله موباریزه ائتمک اوچون اؤزگور سوریه اوردوسو ایله بیرلیکده 24 آوقوست 2016دا فیرات قالخانی اوپراسیونونا باشلادی. تورکیهنین سوریهده باشلاددیغی فیرات قالخانی عملیاتینین ایلک مرحلهسی مرز خطینین داعش عنصورلاریندان تمیزلنمسیدی.
فیرات قالخانی عملیاتیندا چوبانبئی-جرابلوس خطی اون گونده؛ داعش اوچون چوخ اهمیتلی اولان دابیق ده بیر گونده تورک سیلاحلی گوجلری دستکلی اؤزگور سوریه اوردوسو طرفیندن اله کئچیریلدی. بو سرعتلی ایرلیلییش توپلومدا الباب شهرینه ایستیقامتلی گؤزلمنی یوکسلتدی. آنجاق الباب آسان بیر هدف دئییل. حلب شمالیندا بیر محل اولان البابین اهالیسی چوبانبئی، دابیق و جرابلوسا نیسبتله چوخ چوخ. تورک سیلاحلی گوجلری و اؤزگور سوریه اوردوسو البابی آلتی نقطهدن محاصیرهیه آلدی آنجاق ایستراتژی بیر سئچیملی قصبهنین هامیسینی قوشاتمادی. آغیر قیش شرطلری و شهرین ایچیندکی وطنداشلارین ضرر گؤرممهسی اوچون چوخ دقتلی ایلرلنیر. البابین ایچریسینده 300 اطرافی داعش منسوبو اینتیخار بومباچیسی اولدوغو تخمین ائدیلیر. آیریجا داعش وطنداشلاری ده زورلا جانلی قالخان اولماغا ایتلییر. داعش البابدا اوزون مدت قالماق و یاپیشماق اوچون الیندکی بوتون پوتانسیل واریانتلاری ایستیفاده ائدیر. داعش ان تجروبهلی نیظامی قوموتانی اولان تاجیکیستانلی اسکی کشفیات منسوبو سرهنگ عمری البابا نیظامی قوموتانی تعیین ائتدی. تورک دوشمنلیگی ایله تانینان شمالی عراق آسیلی دین آدامی ابو عبدالله کوردینی البابدا محکمهلرینین باشینا گتیردی. داعشین لیدری البغدادی بیر آی اوّل البابین ان زنگین عائلهسیندن مارییه آدلی بیر قادینلا ائولندی و البابداکی داعش میلیتانلارینی قوهومو اولاراق اعلان ائتدی. آیریجا بو آندا داعش، پ.ک.ک / ی.پ.گ-یه گؤستردیگی مقاومتین ان آز اون قاتی چوخونو سرگیلییر. داعشین بوتون جبههلرینده آمریکا لیدرلیگیندکی اولوسلار آراسی کوالیسیون اسد رژیمی موباریزهنی دوندوردوغو اوچون داعشین البابداکی گوجلرینی گوجلندیرمه ایمکانی اولدو. بئلهجه بو آندا داعش ایله حقیقتن موباریزه ائدیلن تک یئر الباب، موباریزه ائدن تک اؤلکه ده تورکیه جمهوریتیدیر.
تورکیه، باب سالدریسی ایله هم داعشه آغیر بیر ضربه وورماق، هم ده شمالی سوریهدا بیر پ.ک.ک دهلیزی آچیلماسینی مانع تؤرتمک عذره. باب شهری شمالی سوریهده یارادیلماسی نظرده توتولان اعتبارلی بؤلگه اوچون ده چوخ ایستراتژی بیر اهمیته صاحب. تورکیه، فیرات قالخانی ایله آمریکانین اؤنجه لیگی داعش ایله موباریزهده باشاری یازیر آنجاق آمریکانین عملیاتدان چوخ دا ممنون اولمادیغینی گؤروروک. بونون آلتیندا آمریکانین شمالی سوریهده پ.ک.ک / ی.پ.گ الیله اؤز نظارتی آلتیندا بیر بؤلگه یاراتماق ایستمهسی وار. اوباما رهبرلیگینین ایلک سئچیمی داعشی ی.پ.گ الیله تمیزلمک و تامامیله اؤزونه باغلی بیر نفوذ ساحهسی یاراتماق. آنجاق تورکیهنین ساحهیه گیریشی، باشارینی و ترامپ رهبرلیگینین ایشه ائتمهسی ایله آمریکادا بیر سیاست دییشیکلیگی باش وئره بیلر.
داعش سون دؤورده سوریهنین شمالیندا، تورکیه جمهوریتی و موتتفیقلرینین قارشیسیندا جدی بیر گئریلمه یاشاییر. اگر باب شهری ده الیندن چیخارسا بؤیوک نیسبتده تجرید ائدیلمیش اولاجاق. بو وضعیت ده داعشین الینده توتدوغو دیگر بؤلگهلر اوچون تورکیه دستکلی مخالیفلر ایله ترور تشکیلاتی پ.ک.ک / ی.پ.گ و اسد رژیمی آراسیندا جیدی بیر موباریزه دوغورا بیلر.
ی.پ.گ-ین ترور تشکیلاتی پ.ک.ک-نین سوریه قولو اولدوغو هر کسین بیلدیغی . سوریه دموکراتیک گوجلری SDG-ین هاراداسا% 90ینی ی.پ.گ-ین میدانا گتیردیگینی دا بیلیریک. ی.پ.گ-نین اینسان حاقلاری پوزونتولاری بارهسینده فاعلی چوخ قاباریق. خاطیرلاناجاغی کیمی ی.پ.گ-نین رقه شهرینین شمالینداکی تل آبیاددا (تورکمن، سوننی عرب و اؤزونه بیعت ائتمهین کورد مسکونلاشمالارینا) تشکیل ائتدیگی سالدیریلار سببیله یوز مینلرله اینسان کؤچ ائتمک مجبوریتینده قالدی. بو سببله پ.ی.د-ی.پ.گ-نین عاجیل اولاراق فیراتین شرقینه چکیلمهسی لازیمدیر. فیراتین شرقینده دا اوزون وعده ده بارینماسینین مانع تؤردیلمهسی مجبوری. ی.پ.گ-نین اولوسلار آراسی جزا محکمهسی و ژنو کونونسیونونون وطنداشلارین حقوقلاری بارهسینده یئر آلان ماددهلری پوزونتو ائدر خصوصیتده ایشلدیگی جینایتلر قارشیسیندا اولوسلار آراسی جمعیتین ده آرتیق سسسیزلیگینی پوزماسینی گؤزلییریک.
تورکیه جمهوریتی اوزون بیر مدتدیر بؤلگهده سوریه مرکزلی جدی بیر میدان اوخوما ایله قارشی-قارشییا وار. تورکیهنین بو میدان اوخوماغا قارشی بیر میدان اوخوما و نیظام قوروجو بیر سالدیری ائتمهسی لازیم ایدی. تورکیه، فیرات قالخانی سالدیریسی ایله اویونبوزان، میدان اوخوماغا میدان اوخوما ایله جواب وئرن بیر سالدیری ائتدی. فتو / پ.د.ی-نین (فتح اللهچی ترور تشکیلاتی / پارالل دولت یاپیلانماسی) کودتا تشببوسوندان سونرا تورکیهنین بو اؤلچوده بیر مرز سونراسی سالدیری ائده بیلمهسی تورکیهنین بؤلگهدکی گوجونون ده اثباتیدیر.
------
آتاتورک اونیورسیتهسی اولوسلار آراسی ایلشگیلر بؤلومو آراشدیرما اوستادی جمیل دوغاچ ایپکین موضوعیلا باغلی قیمتلندیرمهسینی تقدیم ائدیریک ...