تورکیه پنجره سیندن اورتادوغو (1)
2017 ایله بیرلیکده سوریهده یئنی بیر دؤور باشلاییر. بو سببله سوریه کریزینه طرف اولان هر آکتور موقعیتینی نظردن کئچیریر، ایستراتژیلرینی تازالیر
![تورکیه پنجره سیندن اورتادوغو (1)](http://cdn.trt.net.tr/images/xlarge/rectangle/4b13/610c/2388/57319a77457e1.jpg?time=1718899057)
حلب تخلیهسیندن سونرا اؤزگور سوریه اوردوسو بونیهسیندکی تورکمن مخالیف قروپلارین بؤیوک اکثریتی ایدلیبدن آیریلدی و فیرات قالخانی عملیاتینا قاتیلاجاق. بیز ده بو هفته پروقرامیمیزدا حلب تخلیهسینه، سوریه تورکمنلرینین وضعیتینی و فیرات قالخانی اوپراسیونونداکی گلیشمهلری آنالیز ائدجگیک.
آتاتورک اونیورسیتهسی اولوسلار آراسی ایلیشکیلر بؤلومو بؤلومون جمیل دوغاچ ایپکین موضوعیلا باغلی قیمتلندیرمهسینی تقدیم ائدیریک ...
----
2017 ایله بیرلیکده سوریهده یئنی بیر دؤور باشلاییر. بو سببله سوریه کریزینه طرف اولان هر آکتور موقعیتینی نظردن کئچیریر، ایستراتژیلرینی تازالیر. سوریه ایچریسیندکی اهمیتلی آکتورلارین بیری ده اؤلکهنین قدیم خالقلاریندان اولان تورکمنلر.
حلب تخلیهسیندن سونرا اؤزگور سوریه اوردوسو بونیهسیندکی تورکمن مخالیف قروپلارین بؤیوک اکثریتی ایدلیبدن آیریلدی و فیرات قالخانی عملیاتینا قاتیلماغا باشلادی. (24 آوقوست 2016دا تورک سیلاحلی گوجلری، اؤزگور سوریه اوردوسو و تورکمن بیرلیکلری ایله داعش / ایشیدین کونترولونداکی جرابلوسا یؤنلیک فیرات قالخانی عملیاتینی باشلاتمیشدی.) تورکمن منتظر بالله بریقادی، فاتیح سلطان محمت بریقادسی و سلطان مورات لشگری عضوو تورکمن ساواشچیلارین سوریهیه کئچیدی تقریبن تاماملاندی.
بحثی کئچن تورکمن قروپلارین اونسوز دا حال-حاضیردا آعزاز-جرابلوس آراسینداکی بؤلگهده قرارگاهلاری وار. تورکمنلر اوزونجا بیر مدتدیر داعش / ایشیدی ترورونا قارشی تورپاقلارینی قوروماق اوچون قهرمانجاسینا ساواشیر. حلبدن تخلیه ائدیلن قروپلارین قاتیلیمی ایله بیرلیکده هم آعزاز-جرابلوس آراسینداکی بؤلگه تحکیم ائدیلهجک هم ده باب اؤنلریندکی اؤزگور سوریه اوردوسونا باغلی قروپلار ساغلاملاشدیریلاجاق. امنیتی سببیله وئرهبیلمک مومکون دئییل آنجاق اهمیتلی بیر ایشتیراکین اولدوغونو سؤیلهیه بیلریک.
فیرات قالخانی چرچیوهسینده بابدا قیش شرطلری و شهرین ایچیندکی وطنداشلارین ضرر گؤرممهسی اوچون چوخ دقتلی ایلرلنیر. حال-حاضیردا داعشین پ.ک.ک / ی.پ.گ-یه گؤستردیگی مقاومتین ان آز اون قاتی چوخونو سرگیلدیگینی ده وورقولامالیییک. مسئلن فیرات قالخانیندا کوووتلریمیز بو آنا قدر ایشیده عایید 2335 الده اوره تیلمیش پارتلاییجی و 42 مین تاپیب یوخ ائتدیلر. داعشین بو مقاومتینه هئچ شوبههسیز کی غربین ده جدی بیر پایی وار. غربین رقه و موصول حرکاتلاریندا ارتلمهیه گئتمهسی سببیله تشکیلات الباب-ا جیدی بیر قوّت سوروشدورمه ایمکانی تاپدی.
تورکیه، الباب سالدیریسی ایله هم داعشه آغیر بیر ضربه وورماق، هم ده قوزئی سوریهده بیر پ.ک.ک کوریدور آچیلماسینی دا مانع تؤرتمک اوچون. الباب شهری قوزئی سوریهده یارادیلماسی نظرده توتولان اعتبارلی بؤلگه اوچون ده چوخ ایستراتژیک بیر اهمیته صاحب.
قوزئی سوریه، سوریهنین بوتؤووندن (عینیله قوزئی عراقین، عراقین برتؤووندن اولدوغو کیمی) بیر چوخ یؤندن فرقلیلیک عرض ائدیر. بو بؤلگهنی گونئی-دوغوسو آنادولو بؤلگهسی و قوزئی عراق ایله بیرلیکده دوشونمک لازیمدیر. گونئی-دوغوسو آنادولو، قوزئی سوریه و قوزئی عراق؛ تورک ایمپراتورلوق دؤورونده دیاربکیر، حلب و موصول ویلایتی اولاراق ایداره اولوندو.
بو گون آعزاز ایله جرابلوس آراسیندا 150 جیواریندا تورکمن کؤیو وار. بو بؤلگهدکی تورکمن کندلری فیرات چایینین دوغو طرفینده ده داوام ائدیر. فیراتین دوغو خطینده 60 جیواریندا تورکمن کؤیو وار. آکچاکویونلو ایله مونبیج آراسیندا ایسه 50-دن چوخ تورکمن کؤیو وار. مونبیجین گونئیوندا ده 15 تورکمن کؤیو وار. حلب قوزئی-دوغوسوندا چوبانبئی ایله الباب مرکزی آراسیندا 50 اطرافی تورکمن کندی وار. جرابلوس ایله فراتین قولو ساجور سویو آراسیندا (اکثریتی باراکلی قبیلهسی) 25 جیواریندا تورکمن ناحیه / کند موجود. ساجور سویونون گونئینده ده 20-دن چوخ تورکمن بوجاغی، کؤیو وار. بو کندلرین داوامی ایسه فیراتین دوغوسوندا بئلیه-ه قدر 60 کند اولماقلا اوزانیر.
داعش سون زاماندا سوریهنین قوزئیینده، تورکیه جمهوریتی و موتتفیقلرینین قارشیسیندا جیدی بیر گئریلمه یاشاییر. اگر الباب شهری ده الیندن چیخارسا بؤیوک نیسبتده تجرید ائدیلمیش اولاجاق. بو وضعیت ده داعشین الینده توتدوغو دیگر بؤلگهلر اوچون تورکیه دستکلی مخالیفلر ایله ترور تشکیلاتی پ.ک.ک / ی.پ.گ و اسد رژیمی آراسیندا جیدی بیر موباریزه دوغورا بیلر.
اؤنوموزدکی مدتده فیرات قالخانی و سوریه ایچریسینده تورکمنلرین هم ساحهده هم ده ماسادا داها چوخ اؤن پلانا چیخاجاغینی دوشونورم. اولوسلار آراسی توپلوم دستک وئرسه تورکمنلر هم یاخین دوغودا هم ده سوریهده دموکراتیک و دونیوی بیر نیظام قورماق اوچون اهمیتلی بیر رول اوینایا بیلر. رادیکال تشکیلاتلانمالارا اوزاق اولان تورکمنلر گوج قازانسا هم سیلاحلی موباریزهده هم ده فیکری موباریزهده سلفی / تکفیرجی تشکیلاتلاری مغلوب ائدر. بئلهجه آوروپا قارهسی ده هم قاچقین آخینیندان هم ده سلفی / تکفیرجی / جیهادیست ترور تشکیلاتلاریندان قورونموش اولور.
آتاتورک اونیورسیتهسی اولوسلار آراسی ایلیشکیلر بؤلومو آراشدیرماچی جمیل دوغاچ ایپکین موضوعیلا باغلی قیمتلندیرمهسینی تقدیم ائتدیک ...