تورکیه پنجره‌سیندن اورتادوغو(26)
ژنرال عبدالفتاح السیسی ایداره‌سی آلتین‌داکی کودتا رژیمی، مسلمان قارداش‌لارین باسدیریلماسی‌نین آردین‌دان میصیردکی بوتون دموکراتیک غیری دولتی عنصورلرینی هدف حالینا گتیرمیش‌دیر
تورکیه پنجره‌سیندن اورتادوغو(26)
--------
اؤزل‌ده آمریکا حکومت‌لری، عمومیتله ده غرب دونیاسی‌نین میصیره باخیشی ثابت‌لیک یؤنلدیلیب. بو ثابت‌لیک مرکزلی باخیش، انور ساداتین باشقان‌لیق دؤورونده میصیرین غرب اتفاقی دوشرگه‌سینه سوروشمه‌سین‌دن بری بئله‌دیر. مصیرده ثابت‌لیک گؤرمه آرزوسو اؤلکه‌دکی اوتوریتر تطبیق‌لره و اینسان حاق‌لاری پوزونتولارینا قارشی بیر قیدسیزلیگی دا اؤزو ایله گتیرمیش‌دیر. بو سببله، ژوئیه 2013ده میصیرین ایلک سربست سئچکی ایله ایش باشینا گلمیش دولت باشقانی محمد مورسی قان‌لی بیر کودتا ایله اقتداردان کنارلاشدیریلدیقدا تاماشاچی قالماغی سئچیم ائتمیش‌دیر. بیر گون ایچینده یوزلرله گؤسترچی‌نین اؤلمه‌سی، اون مین‌لرله اینسان‌لارین حبس اولونماسی و یوزلرله شخصه اعدام و دیگر آغیر جزا‌لارین وئریلمه‌سی غربده بیر آعتراض گؤرممیش‌دیر. بو سببله ده دموکراتیک یول‌لاردان موباریزه وئرمه متودونو منیمسمیش اولماسینا باخمایا‌راق مسلمان قارداش‌لار حرکتی هم تروریست تشکیلات اعلان ائدیلمیش هم ده وارلیغینی اورتا‌دان قال‌دیرماق اوچون نیظامی رژیمین تضییق سیاستی‌نین قوربانی اولموش‌دور.
ژنرال عبدالفتاح السیسی ایداره‌سی آلتین‌داکی کودتا رژیمی، مسلمان قارداش‌لارین باسدیریلماسی‌نین آردین‌دان میصیردکی بوتون دموکراتیک غیری دولتی عنصورلرینی هدف حالینا گتیرمیش‌دیر. ثابت‌لیک آدینا لیبرال و سولچو سیویل تشکیلات‌لاری دا تضییق سیاست‌لرین‌دن نسیبینی آلماغا باشلامیش‌دیر. 25 ژانویه اینقیلابین‌دان آکتیو رول اوینایان 6 آوریل حرکتی قوروجوسو احمد ماهر و فعال آلاا عبدالفتاح‌ین حبسه آتیلماسی رژیمین ان کیچیک بیر مخالیفته دؤزوم‌لولوگونون اولمادیغینی گؤسترمکده‌دیر. حتی دئمک اولار کی، سیسی رهبرلیگی تضییق سیاستینده 2011-جی ایلده عرب باهاری گؤستری‌لری نتیجه‌سینده اقتدارینی ایتیرن اسکی باشقان حسنی موبا‌رک دؤورونو گئریده قویموش‌دور.
آنجاق السیسی رهبرلیگی‌نین غیری-حکومت اوزرین‌دکی گئده‌رک آرتان تضییق‌لری ثابت‌لیک چیخارماق یئرینه، رئال‌لیقدا تام ترسی بیر گئدیشاتا گتیریب چیخارماقدا‌دیر. اوزون وعدده غیری-ثابت‌لیک، گرگین‌لیک و چاتیشما قاچیلمازدیر. قورولوشچو مخالیفتین آغیر بیر شکیلده یاتیریلماسی کنارلاشدیرما و یابانجیلاشما یانیندا مخالیفتین یئرآلتینا ائنمه‌سینی و آغیرلاشما‌سینی دا اؤزو ایله گتیره‌جک. بونون دا جمعیتده رادیکال عنصورلاری گوجلن‌دیرن بیر وضعیت‌دیر. مورسی‌نین کودتا نتیجه‌سینده دئوریلمه‌سین‌دن بو زامانا خصوصیله سینا‌دان ترور حرکت‌لری‌نین هنده‌سی بیر آرتیم گؤسترمه‌سی بونون ایشاره‌لرین‌دن‌دیر. القاعده‌نین آیریلیب داعشه باغ‌لانان انصار بیت المقدیس تشکیلاتی‌نین هم حرکت‌لرینده، هم ده میلیتان ساییندا اهمیت‌لی بیر آرتیم اولموش‌دور. روس یولجو اوچاغی‌نین دا بو تشکیلات طرفین‌دن سالیندیغی ادعا ائدیلمکده‌دیر.
و داها دا پیسی، عینیله 2011 آیاقلانماسیندا اولدوغو کیمی، یئنی بیر عصیان دالغاسینا یول آچا بیله‌جک بیر ممنونسوزلوق گئده‌رک تأثیرینی گؤسترمکده‌دیر. آرتان ترور حادثه‌لری‌نین بهانه ائدیله‌رک میللی گوونلیک سببیله آیری-سئچکی‌لیک گودمه‌دن غیری-حکومت اوزرینده تضییق و شدت تطبیق اولونماسی، السیسی رهبرلیگینه قارشی جمعیتین بیر قروبوندا وئریلن کرئدیتین گئده‌رک آزالماسینی اؤزو ایله گتیرمکده‌دیر. السیسی رهبرلیگی، کودتا سونراسیندا اؤزونه دستک اولموش بیر چوخ غیری-حکومت عنصورونو دا آرتیق قارشی‌سینا آلمیش وضعیتده‌دیر. بو دا اؤزونون قانونی‌لیک باخیمین‌دان عملیات ساحه‌سینی آزالددیغینی. میصیر خالقی‌نین گوستری ائتمه و توپ‌لاشماق آزادلیغی چیخاریلان قانون‌لاردا بؤیوک اؤلچوده محدودلاشدیریلمیش‌دیر. آیریجا سیویل تشکیلات‌لاری‌نین قایناغی نه اولورسا اولسون اؤلکه خاریجین‌دن هدیه قبول ائتمه‌لری جینایت حالینا گتیریلمیش‌دیر.
دولت باشقانی عبدالفتاح السیسی مخالیفته یؤنلیک تضییق سیاستینی دؤردونجو نسیل ساواش اولا‌راق آدلان‌دیرماقدا‌دیر. بون‌دان قصد بودور: خالقین اؤلکه لیدرلرینه اولان اعتیمادینی سارسیدماق مقصدی مئدیا و سیویل حکومته قارشی بیر سوی-قصد ایچینده یئر آلماقدا‌دیرلار. بیر باشقا دئییشله رسمی گؤرونتونون خاریجینده دیله گتیریلیر اولان هر دوشونجه میصیر دولتینه بیر سالدیری دئمک‌دیر.
بو گون میصیر رهبرلیگی‌نین گوندمی بو اوچ آنا اساس اوزرینه یاشاییر: "ترور"ون و مخالیفتین ازیلمه‌سی، کؤرفز اؤلکه‌لرین‌دن میصیره میلیاردلارلا دو‌لارلیق نقد آخیشی‌نین تامین ائدیلمه‌سی، و اقتصادی اصلاحات‌لار یولو ایله گله‌جه‌یه ایستیقامت‌لی وطنداشا مثبت مساژلار وئرمک.
آنجاق یوخاریدا دا توخوندوغوموز کیمی، آنتی-ترور سیاستی بو زامانا قدر یانقینا کؤروکله گئتمه کیمی بیر نتیجه دوغورموش‌دور. کؤرفزده مالی آسی‌لی‌لیق ایسه میصیرین بؤلگه‌نین چکیلیش مرکزی اولماق‌دان چیخماسی کیمی بیر نتیجه اورتایا چیخیر. سعودی عربیستانی بو باخیم‌دان میصیرین یئرینی آلیر بیر موقعیته گلیر. قیرمیزی دنیزدکی سنافیر و تیران آدا‌لارینی سعودی عربیستانینا تحویل راضیلاشماسی‌نین 20 میلیارد دو‌لارلیق بیر کؤمک پاکتیله بیرلیکده اله آلینماسی، خالقدا وطن تورپاق‌لاری‌نین باشقا دولته ساتیلماسی کیمی بیر حیس میدانا گتیرمیش و یوزلرله آدامین حبس اولونماسییلا نتیجه‌لنن اعتراض‌لارا یول آچمیش‌دیر.
اقتصادی باخیم‌دان تورّومون کونترول آلتینا آلینماسی، ایشسیزلیگین آز دا اولسا سالینماسی و بؤیومه سرعتینده آرتیم کیمی مثبت اینکیشاف‌لار اولموش‌دور. 2015-جی ایلدن اعتباراً الکتریک کسینتیلری ده بؤیوک اؤلچوده سون تاپمیش‌دیر. آنجاق بو مثبت اینکیشاف‌لار اها‌لی‌نین عمومی‌سینه یانسیمامیشدیر. عکسینه دار گلیرلی‌لر وضعیت‌لری‌نین داها دا پیسه گئتمه‌سی سؤز موضوعسودور. میصیر خالقی‌نین هله چوخ بؤیوک بیر قیسیمی آدام باشینا گونده ایکی دو‌لارین آلتیندا بیر گلیرله حیاتینی داوام ائتدیرمکده‌دیر. آیریجا ایستروکتور اقتصادی ثابت‌لیک سیاستی چرچیوه‌سینده تمل احتیاج محصول‌لارینا یؤنلیک سوبوانسیون‌لاری قالدیریلماسی‌نین جمعیتده بؤیوک بیر اعتراضا یول آچماسی گؤزلنیلیر.
میصیری چتین گون‌لر گؤزلییر. بو چتین گون‌لرین مسئولتیدن گله بیلمه‌سی اوچون میصیر سیاسی لیدرلیگی‌نین جمعیتله باریشماسی، یعنی وطنداشلارییلا یئنی بیر اجتماعی موقاویله اوزرینده راضیلاشما تامین ائتمه‌سینده کئچمکده‌دیر. عکس تقدیرده میصیری جدی اجتماعی و سیاسی چالخانتی‌لار گؤزلمکده‌دیر.
