تورکیه‌نین یئنی ویزیونو(8)

تورکیهنین یئنی ویزیونو(8)

سوسیال موهندیسلیک پروژهلرینین تامامی چؤکدو

تورکیهدکی محافیظهکار سیاستین اساس دینامیکینی تشکیل ائدن "اجتماعی موخالیفتدیر." میللته باخمایاراق دایاتیلانلارا قارشی سیاسی شکیلده وئریلن بو موباریزه چوخ اسکیدیر. جمیل مریچین ایفادهسی ایله "بو ساواش، اولیمپوس داغینین اوشاقلاری ایله هیرا داغینین اوشاقلاری آراسیندادیر." و یئنه اوستاد دئیر کی، اولیمپوس داغینین اوشاقلاری، حرا داغینین اؤولادلارینی اصلا قبول ائتمهیهجک "" بو ساواشین گونوموز ایز دوشومو اوچون تاریخن چرکز حسن ایله حسین آونی پاشایا قدر گئده بیلریک. اوخشار موباریزه داوام ائتمکدهدیر. مسئله اوزوندور اما قیساجا سؤیلمک لازیم اولسا بو جوغرافیادا "یئرلیلیک" ایله "موهندیسلیک پروژه" صاحبلری آراسیندا همیشه بیر ساواش ایدی و بو موباریزهده موهندیسلیک طرفدارلاری همیشه غالیبتیلر چونکی هم موباریزهنین قایدالارینی هم ده زمینینی هر زامان شخصاً اؤزلری بئلیرلیردی.

نه زامان کی یئرلی اولانلار زورلا دا اولسا رقابت و موباریزه اوچون بعضی استانداردلارین قبولونو تامین ائتدیلر ایشده او واخت ایشلر دییشمهیه باشلادی.

معلوم، چوخ پارتیلی حیاتا گئچیلدیکدن سونرا خالق پارتیسی، دموکرات پارتی قارشیسیندا هئچ بیر سئچیمده هر هانسی بیر وارلیق گؤستره بیلمهدی. صاندیقلاری حاکم یوخلاماسینا تابع اولماسی "استانداردی و قایداسی" دموکرات پارتینی اقتدار ائتدی.

یئرلیلر، دولت و اقتداردان چوخ ساده بیر سورغو ائتدیلر. موسابیقهنین شرطلری و قایدالاری اوّلجهدن معین اولسون. اویون اورتاسیندا قایدا دییشیکلیگینه گیدیلمسین. فوتبال اولاراق باشلایان بیر اویون، روگبی اولاراق داوام ائتمهسین ایستهدیلر. بو ایستک، یعنی موباریزه ساحهسینه، فورماسینا و وسایللرینه دایر قایدا و اتیک-اخلاقی دگرلرین معینلشدیریلمهسی ایستگی، اصلینده اوزون مدتدن بری داوام ائدن آسیمتریک ساواشی دنگلمیش اولدو.

بو وضعیتی فرق ائدن ایستاتوکوجولار صاحب اولدوقلاری ایمکانلاری ایتیرممک اوچون هر زامان رغیبینی ضعیفلهدهجک بیر "ساحهسی" الده ساخلاماغی باجاردیلار. آنجاق دموکراسییه باغلی گئدهرک آرتان طلبلر و سؤز موضوعسو محافیظهکار متدیّنلرین یاشادیغی دییشمه، یعنی آنادولو ایشیقلانماسی اولاراق دا آدلاندیرا یئنی دونیانی تانیما و اؤز "من"ی اوزریندن اوخوما تلاشی اونلاری ساده بیر رقیب اولماقدان چیخاردی. آرتیق گئدهرک گوجلو بیر سیاسی حرکت حالینا گلدیلر. بو دا طبیعی اولاراق بو قروبون زامانا و مکانا گؤره دییشه بیلن موجرّد قورخولار اوزریندن تضییق آلتینا آلینماسینی گئدهرک چتینلشدیردی.

ایلدیریم بئیازیت اونیورسیتهسی اینسان و توپلومبیلیملری فاکولتهسی سوسیولوژی بؤلومو پروفسور دوکتور مظار باغلینین قیمتلندیرمهسینی تقدیم ائتدیک ...

------

بو گون گلدیگیمیز نقطهده بیر اجتماعی موهندیسلیک پروژهسی آرخاسیندا قاچانلارین بو اؤلکهنین پروبلملرینی حل ائتمهده باشاریسیز اولدوقلارینی گؤسترمکدهدیر. تپهدن اینمهجیلر هم ایتیردیلر هم ده یئنی بیر گلهجک ویزیونو اورهتمدیلر. توپلوما وعد ائده بیلهجکلری بیر خیاللاری قالمادی. همچینین سیاسی موباریزهنی ایتیردیکلری اوچون ده تعیین ائدیجی بیر آکتور اولماقدان گئدهرک اوزاقلاشماقدادیرلار.

قازانانلار همیشه قایدالاری تعیین ائدیرلر. بو هر زامان بئلهدیر.

خالق وصیاته قارشی موباریزهنی قازاندی و قایدالاری آرتیق خالق معینلشدیریر.

خلاصه، یئرلی (طبیعی کیملیکین ایچهرن مدنیت دگرلرینین تعیین ائتدیگی بیر سیاستی منیمسهینلر) و غربچی (وار اولان طبیعی هویتی آسیمیله ائدیب یئرینه اولوس تملینده بیر هویت یارادان تورک-کورد اولوسالچیلار) دئیه آدلاندیردیغیمیز ایکی طرف آراسیندا آز قالا ایکی یوز ایلدیر داوام ائدن موباریزهنی بو گون آچیق بیر شکیلده یئرلیلر قازاندی.

بلی بیر موباریزه قازانیلدی. اما قازانیلمیش اولان بو ادعانین بیر سونراکی نسله آختاریلماسی اوچون ده ایکی تمل ساحهیه یؤنلمک لازیمدیر. بیری اخلاقی دگرلرین یارادیلماسی و یاییلماسی، دیگری ده عدالتین تاسیس ائدیلمهسیدیر. سؤزون تام مناسییلا "عدالتلی بیر نظام" قورماق و جمعیتی گلهجهیه داشییاجاق بیر یول پلانی تعیین ائتمک لازیمدیر. بو هم تاریخی بیر مسئولیت، هم اینسانی بیر لازیملیلیق هم ده ایسلامی بیر وظیفه-امردیر. عکس حالدا هامیمیز بو تاریخی مسئولیتی یئرینه یئتیرممیش اولمانین حسابینی نه بو دونیادا، نه ده کنار دونیادا وئره بیلریک.

--------

ایلدیریم بئیازیت اونیورسیتهسی اینسان و توپلومبیلیملری فاکولتهسی سوسیولوژی حیسهسی پروفسور دوکتور مظاهر باغلینین قیمتلندیرمهسینی تقدیم ائتدیک .