باتی تراکیادا تورکلر ایکی ائلده بیرینجی پارتی چیخدی
دوستلوق ائشیدلیک باریش پارتیسی، تۆرکلرین اکثریتده یاشادیغی رودوپدا یوزده ۳۶، ایسکچه‌‌ده ایسه یوزده ۲۷ اوی نیسبتی ایله بیرینجی پارتی اولدو
یونانیستاندا، بازار گونو ائدیله‌ن آوروپا پارلمانی سئچیملرینده، تۆرکلرین قوردوغو دوستلوق ائشیدلیک باریش پارتیسی، باتی تراکیادا ۳ ائلده‌ن ایکیسینده بیرینجی چیخدی.
ایچ ایشلری باخانلیغینین آچیقلادیغی بیلگیلره گؤره، صاندیقلارین یوزده ۹۶ نیسبتینده آچیلدیغی رسمی اولمایان نتیجه‌لرین آردیندان دوستلوق ائشیدلیک باریش پارتیسی، تۆرکلرین اکثریتده یاشادیغی رودوپدا یوزده ۳۶، ایسکچه‌‌ده ایسه یوزده ۲۷ اوی نیسبتی ایله بیرینجی پارتی اولدو.
سئچیم نتیجه‌لرینی گومولجینه‌‌ده‌کی پارتی مرکزینده ایزله‌یه‌ن عضولر، نامیزدلر و دستکچیلر ظفرلری، گله‌نکسل طیبل و زورنا چالاراق جوشغویلا قوتلادی.
دوستلوق ائشیدلیک باریش پارتیسی باشقانی چیده‌م آصاف‌اوغلو،
"چوخ سئوینجلیییک. بیزلر بو نتیجه‌دن آرخاییندیق. بونو هر گئتدیگیمیز یئرده سؤیله‌دیک. بو گون ده خالقیمیز یئنه هم دعویسینه، هم ده پارتیسینه صاحب چیخدی" دئدی.
آزلیق سئچیجینین یوزده ۳لوک (اؤلکه سطحینده) سئچیم حدیندن اؤترو میللت وکیلی چیخاردابیلمه‌یه‌جگینی بیلدیگی حالدا دوستلوق ائشیدلیک باریش پارتیسینه سس وئردیگینی وورغولایان آصاف‌اوغلو،
"آزلیق، اؤلکه‌نی ایداره ائد‌نلره چوخ جدی بیر مئساژ گؤندردی. آتنین، بورادا یاشایان بیر آزلیق اولدوغونو گؤرمزلیکدن گلمکدن واز گئچمه‌سی لازیمدیر" دئیه دانیشدی.
دوستلوق ائشیدلیک باریش پارتیسی، ۲۰۱۴ و ۲۰۱۹داکی آوروپا پارلمانی سئچیملرینده ده باتی تراکیاداکی ۳ ائلین ایکیسینده بیرینجی چیخماسینا باخمایاراق، اؤلکه‌ده تطبیق اولونان یوزده ۳ سئچیم حدینی آشابیلمه‌دیگیندن آوروپا پارلمانیا میللت وکیلی گؤندره‌بیلمه‌میشدی.
ایلگیلی‌لی خبرلر
جولای آیی‌نین 3. هفته‌سی تۆرک جمهوریتلرینده نه‌لر اولوب؟
شوشا شهرینده "یانلیش خبرین ایفشاسی" آدلی مئدیا فورومو گئرچکلشدیریلدی
