قازاقیستان آنایاساسی بریل الیفباسی ایله یاییملاندی
ائلویرا عظیمووا: قازاقیستان آنایاسا محکمهسی هامی اوچون برابرلیک، حؤرمت و عدالت پرینسیپینی دستکلهمَیه و تشویق ائتمهیه داوام ائدهجک
![قازاقیستان آنایاساسی بریل الیفباسی ایله یاییملاندی](http://cdn.trt.net.tr/images/xlarge/rectangle/018b/c598/31aa/65c2026290eb3.jpg?time=1722043898)
قازاقیستان آنایاساسی گؤزدن علیللر اوچون بریل الیفباسی ایله نشر ائدیلیب.
قازاقیستان آنایاسا محکمهسی ایله اوروپا تهلوکهسیزلیک و امکداشلیق تشکیلاتی، آستانا پروگرام اوفیسی ایله بیرگه پایتخات آستانادا اؤلکه تاریخینده ایلک دفعه بریل الیفباسی ایله چاپ اولونان آنایاسا تقدیمات مراسیمی کئچیریلیب.
قازاقیستان آنایاسا محکمهسینین صدری ائلویرا عظیمووا بورادا چیخیشیندا قید ائدیب کی، الچاتانلیق هر کسین قانون قارشیسیندا برابرلیگینین و عدالت موحاکیمهسینه چیخیشینین آنایاسا تأمیناتینین اساسینی تشکیل ائدیر.
عظیمووا «عدالتلی قازاقیستان» سیاستی آیری-سئچکیلییه یول وئرمهمک عزمینی تصدیقلدیگینی بیلدیریب،
"قازاقیستان آنایاسا محکمهسی قازاقیستان آنایاساسینا و عمومدونیا اینسان حوقوقلاری بَیاننامهسینه اویغون اولاراق هامی اوچون برابرلیک، حؤرمت و عدالت پرینسیپینی دستکلهمَیه و تشویق ائتمهیه داوام ائدهجک." دئدی.
بریل الیفباسی ایله چاپ اولونموش قازاقیستان آنایاساسی بوتون اؤلکه اوزره کیتابخانالارا، مکتبلره و علیللر اوچون مرکزلره گؤندریلهجک.
قازاقیستانین امک و اهالینین سوسیال مودافیعهسی ناظیرلیگینین معلوماتینا گؤره، اؤلکهده 85 مین گؤزدن علیل اینسان یاشاییر، اونلاردان 4 میندن چوخو اوشاقدیر.
ایلگیلیلی خبرلر
![جولای آیینین 3. هفتهسی تۆرک جمهوریتلرینده نهلر اولوب؟](http://cdn.trt.net.tr/images/medium/rectangle/85b9/2a94/7b8e/64c3259f398e6.jpg?time=1722043898)
جولای آیینین 3. هفتهسی تۆرک جمهوریتلرینده نهلر اولوب؟
شوشا شهرینده "یانلیش خبرین ایفشاسی" آدلی مئدیا فورومو گئرچکلشدیریلدی