تۆرکمن لیدئر عراقدا اؤلدورولدو
"پ‌کاکا چته‌لری عراقدا سیویل تۆرکمنلرین پلانلی بیر شکیلده قانینی آخیدیر"
تۆرکمن طایفا لیدئری حسین علوش، عراقین سلیمانیه شهرینده اینسانسیز هاوا آراجی (ایها) ایله ائدیلن ترور سالدیریسیندا اؤلدورولدو.
عراق تۆرکمن جبهه‌سی، عراق باش باخانیندان سالدیرینین آراشدیریلماسینی طلب ائتدی.
عراق تۆرکمن جبهه‌سی باشقانلیغیندان، حسین علوشون حیاتینی ایتیرمه‌سینه باغلی یازیلی آچیقلاما گلدی.
آچیقلامادا، کفری ائلچه‌سینده‌کی بایاتلی طایفاسی لیدئری علوشون، ایها ایله هدف آلیندیغی ترور سالدیریسینین شدتله قیناندیغی ایفاده ائدیله‌رک، "تۆرکمنلری دوغرودان هدف آلان بو سالدیری، عینی زاماندا عراق کورد بؤلگه‌سل اداره‌سی مجلیس سئچیملرینین یاخینلاشماسییلا کفری بیله‌شنلری آراسیندا گوونلیک وضعیتینی، ثابتلیگی و قارداشجا بیر یئرده یاشاماغی پوزماغا قارشی تهلوکه‌لی بیر گؤستریجییه ایشاره ائتمکده‌دیر" ایفاده‌لرینه یئر وئریلدی.
عراق باشباخانی و اربیل بؤلگه‌سل اداره مسئوللارینا کفری ائلچه‌سینده گوونلیگین تامین ائدیلمه‌سی، ترور هؤرگوتلرینین اورتادان قالدیریلماسی، وطنداشلارین حیاتلارینین قورونماسی اوچون عاجیل موداخیله چاغریسی ائدیلن آچیقلامادا، "بو ترور حادثه‌سی و آرخاسینداکی فاعللرین اورتایا چیخاریلماسی اوچون تئزلیکله سوروشدورما باشلادیلماسی و فاعللرین جزالارینی آلماق اوزره عدالته تسلیم ائدیلمه‌سینین اؤنمینی ایفاده ائدیریک" دئییله‌رک،
"عراق تۆرکمن جبهه‌سی، عراق‌داکی تۆرکمن خالقینی ساوونماق اوچون میللی موباریزه‌سینی داوام ائتدیرجگینی، تۆرکمن خالقینین کیملیگینه و حاقلی دعویسینه داها قرارلی و باغلی اولاجاغینی تصدیق ائدیر" ایفاده‌لرینه یئر وئریلدی.
بو آرادا، کرکوک میللت وکیلی ارشد صالحی، حسین علوشون اینسانسیز هاوا وآراجی ایله (ایها) اؤلدورولمه‌سینین آرخاسیندا، بؤلوجو ترور هؤرگوتو پ‌کاکانین اولدوغونو آچیقلادی.
"پ‌کاکا چته‌لری عراقدا سیویل تۆرکمنلرین پلانلی بیر شکیلده قانینی آخیدیر" ایفاده‌سینی ایشله‌د‌ن صالحی، ترور هؤرگوتونون بؤلگه‌دن قووولماسی اوچون اربیل محلی اداره‌سینی جدی دایانیشما گؤسترمه‌یه چاغیردی.
