محمد امین رسولزاده وفاتینین 69-جو ایلدؤنومونده آنیلیر
معاصیر آزربایجان میللی کیملیگینین فورمالاشماسیندا بؤیوک رول اوینامیش رسولزادهنین خاطیرهسی هم آزربایجاندا، هم ده عؤمرونون بیر حیصهسینی کئچیردیگی تورکیهده یاشاتیلیر
آزربایجانلیلارین باغیمسیزلیغین سمبولونا چئوریلن «بیر کره یوکسلن بایراق، بیر داها ائنمز» سؤزلرینین صاحیبی محمد امین رسولزاده وفاتینین 69-جو ایلدؤنومونده آنیلیر.
موسلمان دوغونون ایلک دموکراتیک جومهوریتی ساییلان و 1918 ایلی می آیینین 28-ده موستقیللیگینی اعلان ائدن آزربایجان جومهورییتینین قوروجوسو محمد امین رسولزادهنین وفاتیندان 69 ایل اؤتور.
معاصیر آزربایجان میللی کیملیگینین فورمالاشماسیندا بؤیوک رول اوینامیش، بوتون حیاتی بویو مطبوعات و سیاسی فعالییتی ایله اؤلکهسینین موستقیللیگی، میللتینین آیدینلانماسی اوچون چالیشمیش رسولزادهنین خاطیرهسی هم آزربایجاندا، هم ده عؤمرونون بیر حیصهسینی کئچیردیگی تورکیهده یاشاتیلیر.
1918 ایلینده آزربایجان آیدینلاری طرفیندن یارادیلان و همین ایلین می آییندا آزربایجان جومهورییتینین قورولماسینی رسما اعلان ائدن میللی شورانین صدری اولان محمد امین رسولزاده حؤکومتده اولماسا دا، آکتیو فعالییت گؤسترمیشدیر. موساوات پارتیسینین باشقانی کیمی پارلماندا چالیشیب و حؤکومتین فعالییتینه رهبرلیک ائدیب.
بلشویکلرین آزربایجانا هوجوموندان سونرا حبس ائدیلهرک مسکویا آپاریلان رسولزاده دؤورون لیدری استالینین تاکیدلرینه باخمایاراق امکداشلیقدان ایمتینا ائدهرک سوویئت ایتیفاقینی ترک ائدیب.
فرانسه، فنلاند، لهستان و آلماندا یاشایان رسولزاده آنتیسوویئت نشرلری ایله چیخیش ائدهرک آزربایجانین ایشغال آلتیندا اولدوغونو دونیایا بیان ائتمیه چالیشیردی.
رسولزاده 1947 ایلینده تورکیهده مسکونلاشیب و ناظیرلر شوراسینین قراری ایله تورکیه وطنداشلیغینی قبول ائدیب. 6 مارت 1955-جی ایلده پایتاخت آنکارادا دونیاسینی دییشن محمد امین رسولزادهنین جنازهسی جهبهجی عصری قبریستانلیغیندا دفن ائدیلیب.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.