قیرقیزیستاندا خارجی نماینده‌لر یاساسی قبول ائدیلدی
"خاریجی نماینده‌لر" قانون لایحه‌سی ۳۰دان چوخ قیرقیز وکیلین گیریشیم ایله گوندمه گتیریلدی"
قیرقیزیستان پارلمانی، "خاریجی نماینده‌لرله" باغلی قانون لایحه‌سینی تصدیقله‌دی.
۲۲ فوریه‌ده ائدیله‌ن سس وئرمه‌ده، سؤزو گئدن لایحه‌یه ۶۴ میللت وکیلی "اولور" اویو وئررکه‌ن، ۵ وکیل "یوخ" دئدی.
یاسایا قارشی اولان وکیللردن داستان بئکئشئو، قانونون اؤلکه اقتصادینا منفی تاثیر ائده‌جگینی و خاریجی صاندیقلاردان فایدالانان تحصیل، اکینچیلیک کیمی ساحه‌لره تأثیر ائدجگی گؤروشونو ساوونور.
یاسا تاساریسینی قلمه آلان میللت وکیلی نادیره نارماتووا ایسه، قانونون اؤلکه‌نین گۆونلیگینی تامین ائتمک اوچون ضروری اولدوغونو و ۱۰ ایل اؤنجه قبول ائدیلمیش اولماسی لازیم اولدوغونو ساووندو.
"خاریجی نماینده‌لر" قانون لایحه‌سی ۳۰دان چوخ قیرقیز وکیلین گیریشیم ایله گوندمه گتیریلدی. بعضی وکیللر، یاییملانماسینین آردیندان چوخ تنقید آلما‌سی اوزرینه قانوندان ایمضاسینی چکدی.
اولوسلارآراسی اینسان حاقلاری هؤرگوتلری هیومن رایتس واچ، آمنیستی اینترنشنیل و جوگورکو-کنه‌شه قانون قلایحه‌سینی رد ائتمه چاغریسی ائتدی. آوروپا بیرلیگینین قیرقیزیستان نماینده‌لیگی ده قانون لایحه‌سینین دوغورابیله‌جگی نتیجه‌لرله باغلی قایغیلارینی دیله گتیره‌رک، آوروپا بیرلیگی و دیگر اولوسلارآراسی باغیشچیلارین اؤلکه‌ده‌کی ایشلرینی چتینلشدیرجگینی سؤیله‌دی.
داها اؤنجه آمریکا خاریجی ایشلر باخانی آنتونی بلینکن ده قیرقیزیستاندا قبول گؤره‌ن قانونلا باغلی قایغی بیلدیرمیش، بو جور قانونلارین منفی نتیجه‌لرینی باشقا اؤلکه‌لرده موشاهیده ائتدیکلرینی علاوه ائتمیشدی.
قیرقیزیستان دؤولت باشقانی سادیر جاپاروو آمریکا و دیگر دؤولتلری اؤلکه‌نین ایچ ایشلره قاریشماماغا و سۆره‌جلری طرفسیز شکیلده گرلندیرمه‌یه چاغیردی.
