باتی تراکیاداکی تۆرکلردن آنا دیلینده تحصیل طلبی
"دیللرینی ایتیره‌ن میللتلرین، میللت اولاراق آیاقدا قالابیلمه‌لری مومکون دئییلدیر"
یونانیستاندا، باتی تراکیاداکی تۆرکلر، تۆرکجه و یونانجا تحصیل وئره‌جک آنا اوخوللاری آچیلماسینی ایسته‌دی.
باتی تراکیا تۆرک اؤیرتمنلر بیرلیگی، سوسیال مئدیا اوزریندن، ۲۱ فوریه دونیا آنا دیلی گونو سببی ایله آچیقلاما یاییملادی.
آچیقلامادا، تۆرک آزلیغینین تحصیل آلانیندا یاشادیغی پروبلئملره دقت چکیلدی.
تۆرکجه و یونانجا تحصیل وئره‌جک آنا اوخوللاری آچیلماسینین اؤنمی وورغولانان آچیقلامادا، آنا دیلینین ارتباطدان باشقا کۆلتورل داشیییچیلیق اؤزللیگی اولدوغونا ایشاره ائدیلدی.
آچیقلامادا،
"بیر اینسانین آنا دیلیندن قوپماسی و یا قوپاریلماسی اونون یالنیز عائله‌سی، میللتی ایله باغلارینین قوپماسی دئییل، عینی زاماندا دونیا ایله باغلارینین قوپماسی دئمکدیر. دیللرینی ایتیره‌ن میللتلرین، میللت اولاراق آیاقدا قالابیلمه‌لری مومکون دئییلدیر. آنا دیلیندن قوپان فرد، بیر چوخ میللی دگرلریندن ده قوپموش اولار" ایفاده‌سی ایشله‌دیلدی.
باتی تراکیادا تۆرکجه و یونانجا تحصیل وئره‌جک آنااوخوللارینین آچیلماسی طلب ائدیله‌ن آچیقلامادا،
"تۆرک اوشاقلارینی اوخوللاردا یالنیز یونانجا تحصیل آلماغا مجبور ائتمه‌نین "چاغ دیشی و دایاتماچی بیر آنلاییش اولدوغو" دگرلندیرمه‌سی وئریلدی.
آوروپا باتی تراکیا تۆرک فدراسیونو طرفیندن یاییملانان آچیقلامادا ایسه،
"فردین آنا دیلینده تحصیل آلماسی ان تمل اینسان حاقلاریندان بیریدیر" ایفاده‌لرینه یئر وئریلدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
