تاتار: شوشاداکی تۆرک دؤولتلری تشکیلاتی ییغینجاغینا قاتیلاجاغیق

 قوزئی قیبریس تۆرک جمهوریتی جمهورباشقانی ارسین تاتار، قوزئی قیبریس تۆرک جمهوریتینین گؤرونورلوگو و اولوسلارآراسی توپلوم طرفیندن داها چوخ قبول ائدیلمه‌سی یولونداکی آددیملارین فؤوق‌ا‌لعاده اؤنملی اولدوغونو ایفاده ائتدی.

ارسین تاتار، آذربایجان جمهورباشقانی ایلهام علییئوین قوزئی قیبریس تۆرک جمهوریتینین تۆرک دؤولتلری تشکیلاتینین رسمی اولمایان ییغینجاغینین جولایدا ائدیله‌جگینی خاطیرلاداراق، "شوشادا ائدیله‌جک ذیروه‌ده قوزئی قیبریس تۆرک جمهوریتی جمهورباشقانی دا منیم دعوتیم ایله ایشتیراک ائد‌جک. بو، تۆرک خالقلارینین بیرلیگینه سرعت قازاندیراجاق" ایفاده‌لرینه باغلی دگرلندیرمه‌لر وئردی.

قوزئی قیبریس تۆرک جمهوریتینین تۆرک دؤولتلری تشکیلاتینین گؤزلمچی بیر عضوو اولدوغونو ایفاده ائد‌ن تاتار،

"بئله بیر ییغینجاقدا بیزیم ده اولابیلمه‌میز، دعوت ائدیلمه‌میز بیزلری چوخ موتلو ائتمیشدیر. چونکو زامان ایچریسینده قوزئی قیبریس تۆرک جمهوریتینین گؤرونورلوگو و اولوسلارآراسی توپلوم طرفیندن داها چوخ قبول ائدیلمه‌سی یولوندا بوتون بو آتیلیملار و گلیشمه‌لر فؤوق‌ا‌لعاده اؤنملی و یئنی سیاستیمیزه گوج وئرمکده‌دیر" دئدی.

اؤزبکیستاندا تشکیل ائدیله‌ن تۆرک دؤولتلری تشکیلاتی دؤولت باشقانلاری ذیروه‌سینده سس بیرلیگی ایله قوزئی قیبریس تۆرک جمهوریتینین گؤزلمچی عضو اولدوغونو خاطیرلادان ارسین تاتار، علییئوین دعوتینه اجابت ائدجگینی و آذربایجانداکی ذیروه‌یه قاتیلاجاغینی سؤیله‌دی.

قوزئی قیبریس تۆرک جمهوریتینین موستقیل بیر تۆرک دؤولتی اولاراق اولوسلارآراسی ییغینجاقلارا قاتیلمانین ان طبیعی حاقلاری اولدوغونون وورغولایان تاتار، جولایدا تشکیل ائدیله‌جک تۆرک دؤولتلری تشکیلاتی ییغینجاغیندا یئرلرینی آلاجاقلارینی بیلدیردی.