علییئو: تاریخی بیر سئچیم اولدو
جمهورباشقانی ایلهام علییئو؛ خانکندی، شوشا و دیگر بؤلگهلر ده داخیل اولماق اۆزره بۆتون بؤلگهلرده سئچیم تشکیل ائدیلمهسینین آذربایجان خالقی اوچون اؤزل تاریخی اؤنم داشیدیغینی وورغولادی
آذربایجان جمهورباشقانی ایلهام علییئو، دۆنن گئرچکلشدیریلن و اؤلکهنین بۆتون تورپاقلارینی احاطه ائدن جمهورباشقانی سئچیمینین، آذربایجان خالقی اوچون اؤزل تاریخی اؤنم داشیدیغینی ایفاده ائتدی.
علییئو، سئچیملری گؤزلملهمک اوچون آذربایجاندا اولان مستقیل دؤولتلر بیرلیگی باش کاتیبی سرگئی لئبئدئوی قبول ائتدی.
آذربایجان جمهورباشقانیلیغیندان وئریلهن آچیقلامایا گؤره علییئو، قبولداکی دانیشماسیندا، دۆننکی سئچیملرین ایلک دفعه اؤلکهنین بۆتون تورپاقلارینی احاطه ائتدیگینه دقت چکهرک، خانکندی، شوشا و دیگر بؤلگهلر ده داخیل اولماق اۆزره بۆتون بؤلگهلرده سئچیم تشکیل ائدیلمهسینین آذربایجان خالقی اوچون اؤزل تاریخی اؤنم داشیدیغینی وورغولادی.
علییئو، مجبوری کؤچکونلرین بیر قیسیمینین آتا یوردلارینا گئری قاییتدیغینی، بؤیوک قاییدیش پروگرامی دئیه تانیملادیقلاری بو سۆرهجین ایلک مرحلهسینین ۲۰۲۶دا تاماملاناجاغینی بیلدیردی.
آذربایجانلیلار یئنی جمهورباشقانینی سئچمک اوچون دۆنن صاندیق باشینا گئتمیشدی.
ارمنیستان ایشغالیندان قورتاریلان بؤلگهلرده ده صاندیقلار قورولموش، بئلهجه ایلک دفعه آذربایجانین بۆتون تورپاقلاریندا سئچیم ائدیلمیشدی.
قاراباغین سمبول شهری شوشادا، بیر زامانلار آیریلیقچی ارمنی یؤنهتیمین "باشکند" اولاراق اعلان ائتدیگی خانکندیده، خوجالیدا، خوجاوندده، آغدرهده، آغدامدا، جبراییلدا، فضولیده، زنگیلاندا، قوبادلیدا، لاچیندا و کلبجرده ۲۲ میندن چوخ سئچیجی، جمهورباشقانینی سئچمک اوچون اوی وئریلمیشدی.
۴ میلیون ۹۷۱ مین سئچیجینین اوی وئردیگی و قاتیلیم نیسبتینین یۆزده ۷۶،۷۳ اولدوغو سئچیملرده جمهورباشقانی ایلهام علییئو، سسلرین یۆزده ۹۲،۱ینی آلاراق وظیفهسینه یئنیدن سئچیلمیشدی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.