آذربایجان جمهوریتینده جمهورباشقانی سئچیمی باشلادی
سئچیجیلر، وظیفهسینه یئنیدن نامیزد اولان ایندیکی جمهورباشقانی ایلهام علییئو ده داخیل توپلام ۷ نامیزد آراسیندان، آذربایجانی ۷ ایل یؤنهتهجک یئنی جمهورباشقانینی سئچمک اوچون اوی وئریر
آذربایجان جمهوریتینده، ائرکهن جمهورباشقانی سئچیمی اوچون اوی وئرمه ایشلملری باشلادی.
سئچیجیلر، وظیفهسینه یئنیدن نامیزد اولان ایندیکی جمهورباشقانی ایلهام علییئو ده داخیل توپلام ۷ نامیزد آراسیندان، آذربایجانی ۷ ایل یؤنهتهجک یئنی جمهورباشقانینی سئچمک اوچون اوی وئریر.
سس وئرمه ایشلملری یئرلی ساعاتلا ۰۸.۰۰ده باشلادی.
۶،۵ میلیون ثبتلی سئچیجینین اولدوغواؤلکهده، یورد ایچی و یورد دیشیندا ۶ مین ۵۰۰ صاندیق قورولدو.
آذربایجانین ارمنیستان ایشغالیندان قورتاردیغی بؤلگهلرده ده صاندیقلار قورولدو. بئلهجه ۳۰ ایل آرادان سونرا ایلک دفعه آذربایجانین بوتون تورپاقلاریندا سئچیم ائدیلیر.
قاراباغین سمبول شهری شوشادا، بیر زامانلار آیریلیقچی ارمنی یؤنهتیمین "باشکند" اولاراق اعلان ائتدیگی خانکندیده، خوجالیدا، خوجاوندده، آغدرهده، آغدامدا، جبراییلدا، فضولیده، زنگیلاندا، قوبادلیدا، لاچیندا و کلبجرده ۲۲ میندن چوخ سئچیجی، جمهورباشقانینی سئچمک اوچون اوی وئرهبیلهجک.
یورد دیشیندا یاشایان آذربایجان وطنداشلاری ایسه اویلارینی یاشادیقلاری اؤلکهلردهکی آذربایجان ائلچیلیکلرینده قورولان صاندیقلاردا وئرهبیلهجک.
سئچیمی فرقلی اولوسلارآراسی قوروم و اؤلکهلردن تخمیناً ۸۰۰ خاریجی، ۹۰ مین یئرلی گؤزلمچی ایزلهییر.
یئرلی مطبوعاتین یانیندا تخمیناً ۲۰۰ خاریجی ژورنالیست ده سئچیمی تعقیب ائدیر.
سس وئرمه ایشلری ایسه یئرلی ساعاتلا ۰۸.۰۰ده باشلایاجاق، ۱۹.۰۰دا سونا چاتاجاق.
سئچیمده یئنی آذربایجان پارتیسینین نامیزدی ایندیکی جمهورباشقانی علییئوین یانیندا، میللی جبهه پارتیسی باشقانی رازی نورالهیئو، بؤیوک قورولوش پارتیسی باشقانی فاضیل مصطفی، بؤیوک آذربایجان پارتیسی باشقانی ائلشاد موسییئو، بۆتوو آذربایجان خالق جبههسی پارتیسی باشقانی قدرت حسنقولییئو ایله موستقیل نامیزدلر زاهید اوروج و فواد علییئو یاریشیر.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.