علییئودن اردوغانا دایانیشما مئساژی
علییئو، یاشانان زلزله فاجعه‌سینین تۆرکیه‌نی اولدوغو قدر آذربایجانی دا دریندن سارسیتدیغینی وورغولایاراق، او چتین گونلرده آذربایجان خالقینین قارداش تۆرکیه خالقی ایله تک اۆرک اولدوغونو دیله گتیردی
آذربایجان جمهوریتی جمهورباشقانی ایلهام علییئو، تۆرکیه‌نین، زلزله‌لرین سبب اولدوغو چتینلیکلری جمهورباشقانی رجب طیب اردوغانین لیدئرلیگی، تۆرک خالقینین عزمی، دایانیشما روحو و گۆجلو ایراده‌سی سایه‌سینده سرعتله آشاجاغیندان، بو آجی امتحاندان غرورلا حتی داها دا گۆجلنه‌رک چیخاجاغیندان آرخایین اولدوغونو ایفاده ائتدی.
علییئو، ۶ فوریه ۲۰۲۳ زلزله‌لرینین ۱.جی ایلی سببی ایله جمهورباشقانی اردوغانا مئساژ گؤندردی.
زلزله‌ده حیاتینی ایتیره‌نلرین عزیز خاطره‌سینی درین سایغی و حؤرمتله آندیغینی ایفاده ائد‌ن علییئو، اونلارا اولو الله‌دان رحمت، عائله‌لرینه و یاخینلارینا صبیر دیله‌دی.
علییئو، یاشانان فاجعه‌نین تۆرکیه‌نی اولدوغو قدر آذربایجانی دا دریندن سارسیتدیغینی وورغولایاراق، او چتین گونلرده آذربایجان خالقینین قارداش تۆرکیه خالقی ایله تک اۆرک اولدوغونو دیله گتیردی.
علییئو، آذربایجان خالقی و دؤولتینین، زلزله خبرینین ایلک دقیقه‌لریندن اعتباراً هئچ بیر کؤمک چاغریسی گؤزله‌مه‌دن قارداشلیق وظیفه‌سینی یئرینه یئتیرمک اوچون بوتون ایمکانلارینی سفربر ائتدیگینی ایفاده ائتدی.
آذربایجان جمهورباشقانی، تۆرکیه‌نین یاخشی گونده ده پیس گونده ده آذربایجانین یانیندا اولدوغو کیمی، آذربایجانین دا هر واخت تۆرکیه‌نین یانیندا اولدوغونو و اولماغا داوام ائدجگینی ایفاده ائد‌رک،
"چونکو بیز تک میللتیک، ایکی دؤولتیک. سیزین (جمهورباشقانی اردوغان) لیدئرلیگینیز، تۆرک خالقینین موباریزه عزمی، دایانیشما روحو و گۆجلو ایراده‌سی سایه‌سینده قودرتلی تۆرکیه دؤولتینین بو چتینلیکلری سرعتله آشاجاغیندان، بو آجی امتحاندان غرورلا حتی داها دا گۆجلنه‌رک چیخاجاغیندان آرخایینام" ایفاده‌لرینی ایشلتدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
