جمهورباشقانی علییئودن آوروپا شوراسینا تپکی

آذربایجان جمهورباشقانی ایلهام علییئو، اؤلکه‌سینین آوروپا شوراسی و آوروپا اینسان حاقلاری محکمه‌سی عضولوکلریندن چکیله‌بیله‌جگینی سؤیله‌دی.

ایلهام علییئو، پارلمانلار آراسی بیرلیک باش کاتیبی مارتین چونگونگو باشکند باکی‌دا قبول ائتدی.

علییئو، گؤروشمه‌ده آوروپا شوراسی پارلمانلار مجلیسینده آذربایجانا قارشی دۆشمه‌نجه توتوم سرگیله‌ندیگینی ایفاده ائتدی.

آوروپا شوراسی پارلمانلار مجلیسینین بو توتومونون تشکیلاتین تمل قانونلاری ایله ضدیت تشکیل ائتدیگینی وورغولایان علییئو، "اگر آوروپا شوراسی پارلمانلار مجلیسی، آذربایجان نماینده‌لیگینین حاقلارینی قایتارمازسا، باکی آوروپا شوراسی و آوروپا اینسان حاقلاری محکمه‌سینده‌کی عضولوکلرینی گؤزدن گئچیره‌جک" ایفاده‌لرینی ایشلتدی.

علییئو، فرانسانین آذربایجان قارشیدی توتومونا دا توخوناراق

"بؤلگه‌ده ییخیجی سیاست ایجرا ائد‌ن فرانسا، عادتاً 'اودا بنزین تؤکمه' آرخاسیندادیر. بؤلگه‌میزده گرگینلیگین سببی اولان پاریس هم موختلیف اولوسلارآراسی تشکیلاتلار هم ده پارلامانلار سویه‌سینده آذربایجان قارشیدی سیاست یئریدیر. فرانسا، گوئنی قافقازدا لیدئر قونومونا گلمه آرخاسیندادیر. آنجاق نفوذونو گوجله‌ندیرمه‌یه دایر چابالاری نتیجه‌سیز قالیر" دئیه دانیشدی.