تورکیه قوزئی قیبریس تورک جمهوریتینه دستکینی بیلدیردی
تورکیه قوزئی قیبریس تورک جمهوریتینین آدادا یئرلشن بیرلشمیش میللتلر تشکیلاتینین (بمت) باریش گوجونون وظیفه مدتینین اوزادیلماسی ایله باغلی رئاکسیاسینا دستک وئریب.
تورکیه قوزئی قیبریس تورک جمهوریتینین آدادا یئرلشن بیرلشمیش میللتلر تشکیلاتینین (بمت) باریش گوجونون وظیفه مدتینین اوزادیلماسی ایله باغلی رئاکسیاسینا دستک وئریب.
تورکیه خاریجی ایشلر ناظیرلیگی مؤوضوع ایله باغلی وئردیگی یازیلی آچیقلامادا "بمت-نین مؤوجود تجروبهلرینین عکسینه اولاراق، باریش گوجونون وظیفه مدتی اوزادیلارکن بو دفعه ده قیبریس تورک طرفینین راضیلیغینا مراجعت ائدیلمهدی" دئییلیب.
آچیقلامادا باریش گوجونون قوزئی قیبریس تورک جمهوریتی رسمیلرینین خوش نیتی چرچیوهسینده فعالیتینی داوام ائتدیره بیلدیگی وورغولانیب و بو فعالیتلرین داوام ائتدیریلمهسی اوچون حقوقی زمینه احتیاج اولدوغو و قوزئی قیبریس تورک جمهوریتی طرفیندن بو ایستیقامتده آتیلاجاق آددیملارا تورکیه-نین دستکینین تام اولدوغو قئید ائدیلیب.
بمت-نین باریش گوجونون "قیبریس-دا عدالتلی، دایمی و داواملی حلین یالنیز ساحهدهکی فاکتلار اساسیندا الده اولونا بیلهجگی فاکتینی قبول ائتمهیه و قیبریس تورک خالقینین طبیعی حقوقلاری اولان اگمن برابرلیگینی و برابر اولوسلار آراسی ایستاتوسونو تصدیق ائتمهیه چاغریلدیغی" آچیقلامادا "قوزئی قیبریس تورک جمهوریتینین تانینماسی ایله باغلی چاغیریشیمیزی بمت تهلوکهسیزلیک شوراسی و اولوسلار آراسی توپلوم قارشیسیندا بیر داها تکرار ائدیریک" ایفادهسی ایشلدیلیب.
قئید ائدک کی، قوزئی قیبریس تورک جمهوریتی خاریجی ایشلر ناظیرلیگی بمت تهلوکهسیزلیک شوراسینین قیبریس-داکی بمت باریش گوجونون وظیفه مدتینین داها بیر ایل اوزاتما قرارینا بئله جاواب وئریب: "تهلوکهسیزلیک شوراسی بیزیم راضیلیغیمیز اولمادان باریش گوجونون وظیفه مدتینی 31 ژانویه 2025-جی ایله قدر اوزاتماقلا سهوینی بیر داها تکرارلادی" .
آچیقلامادا بمت تهلوکهسیزلیک شوراسینین قیبریس-داکی مؤوجودلوغونون 60-جی ایلینه چاتدیغی و بمت تهلوکهسیزلیک شوراسینین آدادا هر ایکی طرفه برابر داورانماق و موباحیثهلره عدالتلی حل یوللاری تاپماق کیمی اساس وظیفهلرینی یئرینه یئتیرمدیگی و بوتون طرفلرین "داوامسیز" حساب ائدیلن ایستاتوس-کوونون کئشیکچیسینه چئوریلدیگی بیلدیریلیب.
"قیبریس تورک طرفینین ایرادهسینی و وارلیغینی گؤز آردی ائدن بو یاناشمانی رد ائدیریک. قیبریس-ین قوزئی یندهکی اگمنلیک، قیبریس تورک خالقینا و اونون دؤولتی اولان قوزئی قیبریس تورک جمهوریتینه مخصوصدور. باریش گوجونون اؤلکهمیزدکی فعالیتینی قانونی اساسلار زمینینده گؤسترمهسی واجیبدیر" دئییلیب.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.