علییئو: زنگه‌زور کوریدورو آچیلماسا سرحدلر ده آچیلمایاجاق
'آذربایجاندان آذربایجانا اینسانلارین و یۆکلرین هئچ بیر کنترلا تابع توتولمادان گئچمه‌سی لازیمدیر'
آذربایجان جمهورباشقانی ایلهام علییئو، اؤلکه‌سینین باتی ولایتلرینی ناخچیوان اؤزارک جمهوریتینه باغلایاجاق زنگه‌زور کوریدورونون آچیلماماسی دوروموندا، ارمنیستان ایله سرحدلری ده آچمایاجاقلارینی بیلدیردی.
ایلهام علییئو، یئرلی تلویزیون کاناللارینا دگرلندیرمه‌لر وئردی.
علییئو، آذربایجانین باتی ائللرینی ناخچیوان اؤزارک جمهوریتینه باغلایاجاق زنگه‌زور کوریدورونا باغلی، "ان اویغون سئچه‌نک مئهری (ارمنیستاندا اولان) بؤلگه‌سیندن گئچه‌جک یولدور. هم دمیر یولو هم ده قورو یولو اورادان گئچمه‌لیدیر. 'آذربایجاندان آذربایجانا اینسانلارین و یۆکلرین هئچ بیر کنترلا تابع توتولمادان گئچمه‌سی لازیمدیر. عکس حالدا ارمنیستان سونسوزا قدر چیخمازدا قالاجاق. و سؤزونو ائتدیگیم یول آچیلمادیغی تقدیرده ارمنیستانلا سرحدیمیزی آچمایاجاغیق" دئیه دانیشدی.
"ارمنیستان، باریش آنلاشماسی اوچون ضامن دؤولتلر اولماسینی ایسته‌ییر." دئیه‌ن آذربایجان جمهورباشقانی،
"بیز ایسه بونا گرک اولمادیغینی دوشونوروک" ایفاده‌لرینی ایشلتدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
