توکایئو 2026-جی ایلده یئنیدن سئچیلمک اوچون آنایاسادا دییشیکلیک ائتمهیهجک
قازاخیستان پرزیدنتی کاسیم جومرت توکایئو یئنیدن پرزیدنت سئچکیلرینده ایشتیراک ائتمک اوچون آنایاسادا دییشیکلیک ائدجگی ایله باغلی یاییلان خبرلری تکذیب ائدیب.
قازاخیستان پرزیدنتی کاسیم جومرت توکایئو یئنیدن پرزیدنت سئچکیلرینده ایشتیراک ائتمک اوچون آنایاسادا دییشیکلیک ائدجگی ایله باغلی یاییلان خبرلری تکذیب ائدیب.
کاسیم جومرت توکایئو "اگمن قازاقستان" قزئتینه موصاحیبهسینده آنایاسادا دییشیکلیکله باغلی رفرندوم کئچیرمگی و 2026-جی ایلده یئنیدن پرزیدنت سئچکیلرینده ایشتیراک ائتمگی پلانلاشدیرماسی ایله باغلی یاییلان خبرلرین "دزینفورماسیون" اولدوغونو بیلدیریب.
توکایئو دئییب کی، آنایاسادا بیر مدتلیک پرزیدنتلیک مادهسی دییشمزدیر. آنایاسامیزدا بو نورم عینیله موستقیللیک، اونیتاریزم، اراضی بوتؤولوگو و دؤولتین ایداره فورماسی کیمی دییشمز نورمدیر. یئدی ایللیک و بیردفعهلیک پرزیدنتلیک فیکرینی ایلک دفعه اولاراق من تکلیف ائتدیم و بوتون خالق بونو دستکلهدی.
قئید ائدک کی، 2022-جی ایلین پاییزیندا قازاخیستان پارلامئنتی دؤولت باشچیسینین یئنیدن سئچیلمهسی ایمکانلارینی آرادان قالدیران یئددی ایللیک، بیر مدته پرزیدنتلیک تشببوسونو تصدیقلهییب. اوللر قازاخیستان پرزیدنتی بئش ایل مدتینه سئچیلیردی و ایکینجی دفعه سئچکیلرده ایشتیراک ائده بیلردی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.