تۆرک سلاحلی گوجلرینین آذربایجانداکی وظیفه مدتی اوزادیلدی

تۆرک سلاحلی گوجلرینین آذربایجانداکی وظیفه مدتینین ۱ ایل اوزادیلماسینا دایر جمهورباشقانلیغی مجوزی، دونن تورکیه بؤیوک میللت مجلیسینده قبول ائدیلدی.

مجوز، آذربایجان، ارمنیستان و روسیا طرفیندن ۹ نوامبر ۲۰۲۰ده ایمضالانان اوچلو بیلدیریده نظرده توتولان فعالیتلرین داوام ائتدیگی وورغولاندی.

آذربایجانا گوجلو دستک وئره‌ن تورکیه‌نین، بؤلگه‌ده باریش و ثابیتلیگین قورونوب گوجلندیریلمه‌سی اوچون اؤنملی قاتقیلار سونماغا داوام ائده‌جگی ایفاده ائدیلدی.

مجوزده، تورکیه‌نین روسیا ایله اولوشدوردوغو و تۆرک سلاحلی گوجلری پرسنلینین ده وظیفه یئرینه یئتیردیگی اورتاق مرکز واسیطه‌سی ایله بؤلگه‌نین گوونلیگینه و طرفلر آراسیندا گووه‌ن اولوشماسینا قاتقی وئردیگی وورغولاندی.

گؤروشمه‌لرین سونوندا ائدیله‌ن سس وئرمه‌ده مجوز قبول ائدیلدی.