آذربایجانین ظفر گونو قوتلو اولسون

آذربایجاندا، قاراباغ ظفرینین ۳.جو ایل دؤنومونده، تورپاقلارینین ایشغالدان قورتاریلماسی اوچون جانلارینی فدا ائد‌ن شهیدلر آنیلدی.
آذربایجان تورکلری، ۲.جی قاراباغ ساواشیندا الده ائدیله‌ن ظفرین ایل دؤنومونده شهیدلیکلری زیارت ائتدی.
باشکند باکیدا ۲.جی فخری خیابانداکی شهیدلیگه گئدن شهید یاخینلاری و وطنداشلار، بوراداکی مزارلارا چیچک قویدو، دعالار ائتدی. وطنداشلار زامان زامان گؤزیاشلارینی توتابیلمه‌دی.
۲۷ سپتامبر ۲۰۲۰ده باشلایان ۲.جی قاراباغ ساواشیندا آذربایجان تخمیناً ۳۰۰ یئرله‌شیم یئرینی ایشغالدان قورتارمیشدی. آذربایجان اوردوسونون شوشایا گیرمه‌سی، ارمنیستان اوردوسونون داغیلماسینا سبب اولموشدو. ۱۰ نوامبر ۲۰۲۰ده مغلوبیتینی قبول ائد‌ن ارمنیستان، آغدام، کلبجر و لاچین ائللریندن اوردوسونو چکه‌جگینی تعهد ائد‌ن بیلدیرینی ایمضالامیشدی.
آذربایجان جمهورباشقانی ایلهام علییئو، ۸ نوامبری "ظفر گونو" اعلان ائتمیشدی.
۲. قاراباغ ساواشیندا آذربایجان اوردوسو، ۲ مین ۹۰۸ شهید وئرمیشدی.