تاتاردان آلمانیایا تپکی

قوزئی قیبریس تورک جمهوریتی جمهورباشقانی ارسین تاتار، گونئی قیبریس روم یؤنه‌تیمینین کنترل ائتدیگی بؤلگه‌لره آلمانیا اؤزل گوج بیرلیکلرینه باغلی عسگرلرین گلمه‌سینه تپکی وئردی و بونون اولوسلارآراسی آنلاشمالارا ضد اولدوغونو سؤیله‌دی.
جمهورباشقانی تاتار، ایسرائیل-فیلیسطین چاتیشماسی اوزرینه گونئی قیبریسدا عسگری حرکتلیلیک یاشاندیغینی خاطیرلاداراق، آلمان اؤزل گوج بیرلیکلرینه باغلی عسگرلرین گونئی قیبریس روم یؤنه‌تیمینین کنترلوندا‌کی بؤلگه‌لره گئتدیگینی، یالنیز آلمانیانین دئییل دیگر اؤلکه‌لرین عسگرلرینین ده تورکیه و قوزئی قیبریس تورک جمهوریتینین ایجازه‌سی و تصدیقی اولمادان قیبریسدا قونوشلاندیریلاممایاجاقلارینی قید ائتدی.
تاتار، زوریخ و لندن ضمانت آنلاشمالارینا دقت چکه‌رک گونئی قیبریس روم یؤنه‌تیمینده‌کی عسگری حرکتلیلیگی یاخیندان ایزله‌دیکلرینی، قوزئی قیبریس تورک جمهوریتینین بو قونولارین هامیسیندا تورکیه جمهوریتی ایله موشاویره حالیندا اولدوغونو سؤیله‌دی.
قیبریسدا عسگری هر گلیشمه‌دن موطلق صورتده تورکیه‌یه بیلگی وئریلمه‌سی لازیم اولدوغونون وورغولایان تاتار، "قیبریس جمهوریتینین ضامینی اولان تورکیه و بیزیم ایجازه‌میز و تصدیقیمیز اولمادان خاریجی عسگری گوجلرین آدایا گلمه‌سی اولوسلارآراسی آنلاشمالارا ضددیر. بونون آلمانیا و یا باشقا بیر اؤلکه اولماسی فرق ائتمز. قیبریسین ضامینلری تورکیه، اینگیلتره و یونانیستاندیر. بونا دقت ائدیلمه‌سی لازیمدیر" ایفاده‌لرینی ایشلتدی.
تاتار، قیبریسدا اولان اینگیلتره‌یه عاید عسگری مرکزلرین آنلاشمالار چرچیوه‌سینده آدادا اولدوقلارینا ایشاره ائد‌رک، "اینگیلیسلر مرکزلردن ایستیفاده ائدرکه‌ن دقت ائتمه‌لی. بو مرکزلر، اینگیلتره‌نین میللی چیخارلاری اوچون ایستیفاده ائدیلرکه‌ن قیبریسدا اولان تورکلر و روملارا ضرر وئرمه‌یه‌جک شکیلده اولمالیدیر" دگرلندیرمه‌سینی دیله گتیردی.