قاراباغدا سون دوروم
آذربایجان تورپاغی قاراباغداکی روس باریش گوجونون، عسکران، آغدره و شوشا بؤلگهلریندهکی گؤزلم نقطهلرینی قالدیردیغی بیلدیریلدی
آذربایجان، قاراباغ بؤلگهسیندهکی بوتون تاریخی و مدنی آنیدلارین پلیس قروپلاری طرفیندن قوروما آلتینا آلیندیغینی بیلدیردی.
آذربایجان ایچ ایشلری باخانلیغیندان وئریلهن آچیقلامادا، قاراباغ بؤلگهسینه داخیل اولان بوتون یئرلهشیم بیریملریندهکی دینی و مدنی آنیدلارین گوونلیک و قوروماسینین پلیس قروپلاری طرفیندن تامین ائدیلدیگی بیلدیریلدی.
آچیقلامادا، خوجاوند ائلینین جوتچو کندیندهکی آماراس صومعهسی ایله کلبجر ائلینین وئنگلی کندیندهکی گنجهسر صومعهسینین، خانکندی شهریندهکی ۱ کاتدرال (جامع کلیسه) ایله ۱ کلیسهنین ده قوروما آلتینا آلیندیغی قید ائدیلدی.
اؤته یاندان، آذربایجان تورپاغی قاراباغداکی روس باریش گوجونون، عسکران، آغدره و شوشا بؤلگهلریندهکی گؤزلم نقطهلرینی قالدیردیغی بیلدیریلدی.
روسیا ساوونما باخانلیغی دا، قاراباغداکی روس باریش گوجونون فعالیتلرینه باغلی یازیلی آچیقلاما وئردی.
آچیقلامادا، عسکران، آغدره و شوشا بؤلگهلریندهکی گئچیجی گؤزلم نقطهلرینین قالدیریلدیغی ایفاده ائدیلدی.
روس باریش گوجونون قاراباغدا وظیفهلرینی ایجرا ائتمهیه داوام ائتدیگی خاطیرلادیلان آچیقلامادا،
"چاتیشمالارین دوردورولماسینا باغلی واریلان آنلاشمالار اویغون اولاراق، قاراباغداکی سلاحلی اولوشوملارین (یاسادیشی ارمنی گوجلر) آنبارلاریندا اولان سلاح، عسگری تجهیزات، یونگول سلاح و مهماتین ساییمینا داوام ائدیلدی. ۵ اکتبر اعتباری ایله ۸۴ زرهلی آراج، ۱۲۱ آراج، ۱۲۱ هاوا ساوونما آراجی، ۹۶ صحرا توپو، چوخ لولهلی راکت آتار و توپ، ۱ اینسانسیز هاوا آراجی، ۷ میندن چوخ یونگول سلاح و تانکسووار سلاحی ایله تخمیناً ۵۸،۵ میلیون گولـله ساییلدی" بیلگیلرینه یئر وئریلدی.