آذربایجان میللت وکیلی قنیره پاشایئوا یاشامینی ایتیردی
آذربایجان میللی مجلیسی مدنیت کومیسیونو باشقانی میللت وکیلی قنیره پاشایئوا حیاتینی ایتیردی
آذربایجان میللی مجلیسی مدنیت کومیسیونو باشقانی میللت وکیلی قنیره پاشایئوا حیاتینی ایتیردی.
قایناغی بیلینمه‌یه‌ن هیپوتونیک دوروم تانیسی ایله ۲۴ سپتامبردا باشکند باکی‌دا خسته‌خانایا قالدیریلاراق اؤزل باخیمدا معالیجه آلتینا آلینان پاشایئوا، حیاتینی ایتیردی.
قنیره پاشایئوا کیمدیر؟
قنیره پاشایئوا ۲۴ مارس ۱۹۷۵ده آذربایجانین توووز شهرینده دوغولدو.
آذربایجان طب اونیوئرسیته‌سی پئدیاتری بؤلومو ایله باکی دؤولت اونیوئرسیته‌سی اولوسلارآراسی حقوق بؤلومونو بیتیرمیش اولان پاشایئوا، ۱۹۹۸ده تلویزیونچولوغا باشلادی.
پاشایئوا، ۲۰۰۵ده حیدر علییئو فوندونون خالقلا ایلیشکیلر بؤلومونون باشینا گئچدی.
قیسا بیر مدت سونرا ۶ نوامبر ۲۰۰۵ده ائدیله‌ن پارلمان سئچیمینده توووز میللت وکیلی سئچیله‌ن پاشایئوا، مجلیسده فرق‌لی وظیفه‌لر آلدی.
پاشایئوا، سون اولاراق میللی مجلیسین مدنیت کومیسیونو باشقانلیغینی دا یئریدیردی.
قنیره پاشایئوا، تورکیه‌ده ساییسیز فعالیته قاتیلدی.
تورک دونیاسی اوزرینه چوخ ساییدا یازی و دانیشمالاری اولان، یاشامینی تورکلوک و تورکچولوگه آدایان پاشایئوا، "تورکیه‌نین گوجلو اولماسینین تورک دونیاسینین گوجلو اولماسی" آنلامینا گلدیگینی ساوونوردو.
