باشباخان اوستال: فدراسیون ماساسینا اوتورمایاجاغیق
"بیز آرتیق اینسانیمیزین حاقلارینی قوروماق اوچون دونیایا سسیمیزی ائشیتدیرمهیه باشلاییریق"
قوزئی قیبریس تورک جمهوریتی باشباخانی اونال اوستاَل، روملارلا آرتیق فدراسیون ماساسینا اوتورمایاجاقلارینی ایفاده ائتدی.
باشباخان اوستال، قوزئی قیبریس تورک جمهوریتینین باشکندی لئفکوشادا، مطبوعاتا آچیقلامالار وئردی.
آوروپا بیرلیگینین تورکیهنین قوزئی قیبریس تورک جمهوریتیندهکی عسگری وارلیغینا دایر یانلیش توتومونو شدتله رد ائتدیگینی ایفاده ائدن اوستال، عسگری وارلیغین یالنیز قیبریس تورکلرینه دئییل عینی زاماندا آدادا یاشایان روملارا دا باریش گتیردیگینی، دونیانین آرتیق بو مؤوضوعداکی گئرچکلری گؤرمه زامانینین گلدیگینی قید ائتدی.
روم لیدئر نیکوس هریستودولیدیسین بیرلشمیش میللتلر معیالاریندا ماسایا اوتورما چاغریسینی دگرلندیرهن اوستال، گئچمیشده ده عینی شکیلده ماسایا اوتورولدوغونو، گوندمه گلن عنان پلانینین روم کسیمی طرفیندن رد ائدیلدیگینی آنجاق بونا باخمایاراق گونئی قیبریسین اؤدوللندیریلدیگینی وورغولادی.
اوستال، تخمیناً ۵۰ ایلدیر فدراسیون مرکزلی حل تکلیفلری اوچون قوزئی قیبریس تورک جمهوریتینین ماسادا اولدوغونون وورغولایاراق،
"دئدیک کی آرتیق بو ساعاتدان سونرا روملارین اویونونا گلمهیهجییک (آلدانمایاجاغیق) و بیر دفعه داها آرتیق فدراسیون ماساسینا اوتورمایاجاغیق. بیز آرتیق اینسانیمیزین حاقلارینی قوروماق اوچون دونیایا سسیمیزی ائشیتدیرمهیه باشلاییریق" ایفادهلرینی ایشلتدی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.