قاراباغدا ارمنیستانین آتیش‌کس پوزونتولاری

تورک-روس اورتاق مرکزی، قاراباغ‌دا ارمنیستان طرفیندن ایکی ایل ایچینده ۲۵۸ آتیش‌کس پوزونتوسو گئرچکلشدیریلدیگینی تعیین ائتدی.
آذربایجانین ارمنیستان ایشغالیندان قورتاردیغی قاراباغ‌دا آتیش‌کسین تطبیق اولونماسینی کنترل ائتمک و گؤزلمله‌مک اوچون قورولان تورک-روس اورتاق مرکزی ایشلرینی داوام ائتدیریر.
۳۰ ژانویه ۲۰۲۱دن اعتباراً ایشه باشلایان مرکزین فعالیتلری، تورک و روس هیئتلری طرفیندن حاضرلانان وظیفه و مسئولیتلره باغلی آئین‌نامه‌یه اویغون شکیلده داوام ائدیر.
بؤلگه‌ده باریش و دینجلیگین تاسیسی اوچون وظیفه یئرینه یئتیره‌ن مرکز، ایهالار داخیل اؤز کشف و گؤزلمله‌مه تجهیزاتلارییلا پوزونتولاری تعیین ائدیر، هر ایکی طرفدن گلن پوزونتو اعلانلارینی ایزله‌ییر.
چالیشمالارلا لازیم‌ اولان تدبیرلرین آلینماسینین تامین ائدیلدیگی مرکزده عینی زاماندا گئرچکلشدیریلن پوزونتولار راپور‌لانیر.
بو چرچیوه‌ده، تورک-روس اورتاق مرکزی طرفیندن ۳۰ ژانویه ۲۰۲۱ تاریخیندن اعتباراً ارمنیستان طرفیندن گئرچکلشدیریلن ۲۵۸ آتیش‌کس پوزونتوسو تعیین اولوندو.