قاراباغدا مین پاتلادی
پاتلاما نتیجهسینده کامیونداکی آذراوتویول چالیشانی ۲ نفرین حیاتینی ایتیردیگی قید ائدیلدی
قاراباغدا یاسادیشی ارمنی گوجلرین دؤشهدیگی مینین پاتلاماسی نتیجهسینده ۲ آذربایجانلی حیاتینی ایتیردی.
آذربایجان دؤولت گوونلیک خیدمتیندن وئریلهن آچیقلامادا، خوجاوند ائلی، احمدبیلی-فضولی-شوشا قورو یولوندا، آذربایجان اتومبیل یوللاری دؤولت آژانسینا (آذراوتویول) عاید یوک ماشینینین گئچیشی سیراسیندا آنتی تانک مینین پاتلادیغی ایفاده ائدیلدی.
آچیقلامادا، پاتلاما نتیجهسینده کامیونداکی آذراوتویول چالیشانی ۲ نفرین حیاتینی ایتیردیگی قید ائدیلدی.
مینین یاسادیشی ارمنی گوجلر طرفیندن دؤشهنیلدیگی ایفاده ائدیلهن آچیقلامادا، ترور ائیلمی اولاراق تانیملانان حادثه ایله باغلی سوروشدورما باشلادیلدیغی بیلدیریلدی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.