تورک دؤولتلری تشکیلاتیندان باکی‌دا مانور
"باکو ۲۰۲۳" آدی وئریله‌ن مانور، زلز‌له سونراسیندا لیماندا میدانا گلن تمثیلی پاتلاما نتیجه‌سینده یارالیلارین قورتاریلماسییلا باشلادی
تورک دؤولتلری تشکیلاتی، آذربایجانین باشکندی باکی یاخینلارینداکی اَلَت لیمانین‌دا سانحه و عاجیل وضعیتلره قارشی اورتاق مانور گئرچکلشدیردی.
آذربایجان فؤوق‌ا‌لعاده حاللار باخانی کمال الدین حیدرووون ایداره ائتدیگی مانورو، تورک دؤولتلری تشکیلاتی باش کاتیبی ائلچی کوبانیچ‌بک عؤمورعلیئو، ایچ ایشلری باخانی علی یئرلی‌کایا، قازاقیستان فؤوق‌ا‌لعاده حاللار باخانی سیریم شاریپحانوو، قیرقیزیستان فؤوق‌ا‌لعاده حاللار باخانی بووبک آژیکئو، اؤزبکیستان فؤوق‌ا‌لعاده حاللار باخانی عبدالله کولداشئو و قوزئی قیبریس تورک جمهوریتی ایچ ایشلری باخانی دورسون اوغوز دا ایزله‌دی.
"باکو ۲۰۲۳" آدی وئریله‌ن مانور، زلز‌له سونراسیندا لیماندا میدانا گلن تمثیلی پاتلاما نتیجه‌سینده یارالیلارین قورتاریلماسییلا باشلادی. قروپلار هاوادان و قورودان موداخیله ائد‌رک قیسا زاماندا یارالیلاری چیخاردی. ساحه‌ده‌کی قاتار ریللرینده یاشانان تمثیلی شیمیایی پاتلامایا دا باغلی قروپلار موداخیله ائتدی.
مانورا تورکیه‌دن قاتیلان آفاد (آفت و عاجیل دوروم یؤنه‌تیمی باشقانلیغی) اکیبی، ۲ آراج ایله ساحه‌یه گیره‌رک رادیوآکتیو سیزینتییا موداخیله ائتدی. آذربایجان هلیکوپتری ریللره سو بوراخارکه‌ن، تورکیه پلیس هلیکوپتری ایپله اولایدان تاثیرلنن شخصلری هلیکوپتره آلدی.
قروپلار، تمثیلی پاتلاما میدانا گلن گمییه قورتارما عملیاتی گئرچکلشدیردی. مانورون بو بؤلومونده تورکیه ژاندارما هاواچیلیق چئلیک قانادلار هلیکوپتری ده وظیفه یئرینه یئتیره‌رک یارالیلاری قورتاردی.
مانوردا توپلام ۸ هلیکوپتر، ۱ اوچاق، ۲۴۵ آراج، ۶ تعلیم آلمیش ایت و ۱۱۸۰ پرسنل وظیفه آلدی.
