جمهورباشقانی علییئو: فرانسا عذر ایستهمهلیدیر
"فرانسا، کورسیکا دیلینی قاداغان ائدیر آنجاق اؤزونو آذربایجانداکی ارمنی آزلیغین مدافعهچیسی کیمی گؤستریر"
آذربایجان جمهوریتی جمهورباشقانی ایلهام علییئو، فرانسانین موستملکهچیلیک سیاستینی تنقید ائدرک،
"فرانسا، موستملکهچیلیک سیاستلری و ائتدیگی سویقیریملار سببی ایله باغلی اؤلکهلردن عذر ایستهمهلیدیر" چاغریسی ائتدی.
ایلهام علییئو، باشکند باکیدا تشکیل ائدیلهن باغلانتیسیزلر حرکتی باخانلار ییغینجاغینین آچیلیشیندا دانیشدی.
علییئو، فرانسانین ۲۰.جی عصرین ایکینجی یاریسیندا موستملکهلرینده ائتدیگی نووه سلاح سیناقلارییلا چئورهیه بؤیوک ضرر وئردیگینی ایفاده ائدرک،
"فرانسا، موستملکهچیلیک سیاستلری و ائتدیگی سویقیریملار سببی ایله باغلی اؤلکهلردن عذر ایستهمهلیدیر. بیر نئچه گون اؤنجه هلند کرالی، اؤلکهسینین موستملکهچیلیک گئچمیشی سببی ایله رسمی اولاراق عذر ایستهدی. بیز فرانسانی دا عذر ایستهمه چاغیریریق.
آتالاری سؤمورگهچیلیک سیاستینه معروض قالان، کؤلهلشدیریلهن و تحقیر ائدیلن میلیونلارجا اینساندان عذر ایستنیلمهسی فرانسانین تاریخی سوچونون اعترافینین یانیندا ۱۷ یاشینداکی گنجین وحشیجه اؤلدورولمهسی سونراسیندا قارشی قارشییا قالدیغی درین سیاسی، اجتماعی و اینسانی بحرانین نتیجهلرینین آرادان قالدیریلماسینا کؤمکچی اولار" دگرلندیرمهسینی وئردی.
فرانسا مطبوعاتیندا و سوسیال مئدیاسیندا آزلیقلارا قارشی عیرقچی یایین و یوروملارین آرتماسینا دقت چکهن علییئو،
"الجزایر کؤکنلی ۱۷ یاشینداکی گنجین پلیس طرفیندن وحشیجه قتل ائدیلمهسی، بو اؤلکهدهکی عیرقچیلیق و ایسلام قارشیدلیغینین گؤستریجیسیدیر. فرانسا، کورسیکا دیلینی قاداغان ائدیر آنجاق اؤزونو آذربایجانداکی ارمنی آزلیغین مدافعهچیسی کیمی گؤستریر. بو ایکی اوزلولوکدور. فرانسا حکومتی باشقالارینا عاغیل اؤیرتمه یئرینه اؤز اؤلکهسیندهکی قایغی وئریجی میللرله موباریزه ائتمهلیدیر" دئدی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.