آذربایجان ایله ارمنیستان لیدئرلری مولداوی‌ده بیر آرایا گلدی
تاریخی میمی قالاسین‌دا گئرچکلشدیریلن بئشلی ییغینجاغا، آذربایجان جمهورباشقانی علییئو، ارمنیستان باشباخانی پاشینیان، آوروپابیرلیگی شوراسی باشقانی میشل، فرانسا جمهورباشقانی مکرون و آلمانیا باشباخانی شولتس قاتیلدی
آذربایجان، ارمنیستان، آلمانیا و فرانسا لیدئرلری ایله آوروپا بیرلیگی مقاملاری مولداوی‌ده بیر آرایا گلدی.
آوروپا سیاسی توپلولوغو ذیروه‌سینین تشکیل ائدیلدیگی مولداوینین بولبوکا قصبه‌سین‌ده‌کی تاریخی میمی قالاسین‌دا گئرچکلشدیریلن بئشلی ییغینجاغا، آذربایجان جمهورباشقانی ایلهام علییئو، ارمنیستان باشباخانی نیکول پاشینیان، آوروپابیرلیگی شوراسی باشقانی شارل میشل، فرانسا جمهورباشقانی امانوئل مکرون و آلمانیا باشباخانی اولاف شولتس قاتیلدی.
ییغینجاغا باغلی آچیقلاما وئرن آوروپابیرلیگی شوراسی باشقانی میشل، داها اؤنجه بلژیکین باشکندی بروکسل‌ده‌کی گؤروشمه‌لرده اله آلینان باریش آنلاشماسی، نقلیات، گوونلیک و سرحد تعیین ائتمه ایشلری کیمی بوتون باشلیقلاری دگرلندیردیکلرینی سؤیله‌دی.
آذربایجان ایله ارمنیستان لیدئرلرینی بیر آرایا گتیره‌جک بیر سونراکی ییغینجاغین ۲۱ جولایدا بروکسل‌ده ائدیله‌جگینی بیلدیره‌ن میشل،
ایلیشکیلرین نورماللاشماسی اوچون بوتون مثبت چابالاری دستکله‌ییریک" دئدی.
علییئو، پاشینیان، مکرون و شولتس ایله آوروپا سیاسی توپلولوغونون پاییزدا ایسپانیادا تشکیل ائدیله‌جک بیر سونراکی ییغینجاغی سیراسین‌دا یئنه گؤروشمه قراری آلدیقلارینی ایفاده ائد‌ن میشل، "بیز آوروپابیرلیگی اولاراق ایلیشکیلرین نورماللاشماسی یولون‌دا کؤمک ائده‌بیلمک و ایر‌لیله‌مه تامین ائتمک آدینا الیمیزدن گلن هر شئیی ائدجییک" دئیه دانیشدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
