ارسین تاتار کالین استوارت ایله گوروشوب

قوزیی قیبریس تورک جمهوریتی جمهور باشقانی ارسین تاتار بیلدیریب کی، قیبریس تورک خالقی‌نین اگمن برابرلیگی و اولوسلار آراسی ایستاتوسو تانینما‌دان و تائید ائتمه‌دن رسمی دانیشیق‌لار سوره جی باش‌لانا بیلمز.

ارسین تاتار بیرلشمیش میللت‌لر تشکیلاتی‌نین (بمت) باش کاتیبی‌نین قیبریس خصوصی نوماینده‌سی کالین استوارت ایله  پایتاخت لفکوشا‌داکی پرزیدنت ایقامتگاهیندا قبول ائدیب.

گؤروش‌دن سونرا آچیقلاما‌لار وئرن تاتار اگمن برابرلیگی وورغولاییب.

دؤولت باشچی‌سی دئییب:

"قوزیی قیبریس تورک جمهوریتی‌نین اولوسلار آراسی ایستاتوسو تانینما‌دان و تائید ائدیلمه‌دن دانیشیق‌لارا باش‌لانا بیلمیز. قیبریس-‌داکی وارلیغیمیزین داوام ائتمه‌سی، قیبریس-دا باریش، امین-آمان‌لیق و تهلوکسیزلیگین داوام ائتمه‌سی اوچون ایکی برابر طرف یان-یانا و داوام‌لی شکیلده راضیلیغا گلمه‌لی‌دیر. بونون اوچون اگمن برابرلیک و برابر میللی ایستاتوس واجیب‌دیر".

قوزیی قیبریس تورک جمهوریتی‌نین هر زامان دیالوق طرفداری اولدوغونو وورغولایان تاتار آوروپا بیرلیگی‌نین

قیبریس مسئله‌سینه موداخیله ائتمک نیتیندن ناراحات اولدوق‌لارینی بمت-یه چاتدیردیق‌لارینی بیلدیریب.

بمت-نین قیبریس خصوصی نوماینده‌سی کالین استوارت گؤروشون یاپیجی کئچدیگینی بیلدیریب.

"اومید ائدیریک کی، بو سورجده قیبریس مسئله‌سینده ایرلیلییش الده ائدجییک"، -دئیه او قئید ائدیب.