تورک دؤولتلری تشکیلاتیندان سئچیملره باغلی آچیقلاما
آذربایجان، قازاقیستان، قیرقیزیستان، اؤزبکیستان و تورکمنیستان، تورکیهدهکی سئچیملری یاخیندان ایزلرکهن، سئچیملر بو اؤلکهلرین مطبوعاتیندا گئنیش یئر آلدی
تورک دؤولتلری تشکیلاتی ۱۴ میده ائدیلهن جمهورباشقانی و ۲۸.جی دؤنم میللت وکیلی عمومی سئچیمینین سئچیم استانداردلارینا اویغون اولدوغو دگرلندیرمهسین ائدیلدی.
تورک دؤولتلری تشکیلاتیندان سئچیملره باغلی وئریلهن یازیلی آچیقلامادا، تورک دؤولتلری تشکیلاتی هیئتینین سئچیملری گؤزلملهدیگی آچیقلاندی.
آچیقلامادا،
"تورک دؤولتلری تشکیلاتی اولوسلارآراسی سئچیم گؤزلم هیئتی، تورکیه جمهوریتی جمهورباشقانی و ۲۸.جی دؤور میللت وکیلی عمومی سئچیملرینین آچیق، شفاف و رقابتچی اولدوغونو و تورکیه جمهوریتینین میللی قانونلار و عمومی قبول گؤرموش اولوسلارآراسی سئچیم استانداردلارینا اویغون اولدوغونو تصدیق ائدر" ایفادهلری ایشلهدیلدی.
اؤته یاندان، آذربایجان، قازاقیستان، قیرقیزیستان، اؤزبکیستان و تورکمنیستان، تورکیهدهکی سئچیملری یاخیندان ایزلرکهن، سئچیملر بو اؤلکهلرین مطبوعاتیندا گئنیش یئر آلدی.
تورکییهدهکی سئچیملر، قارداش اؤلکه آذربایجاندا ماراقلا ایزلهنیلدی. سوسیال مئدیادا و مطبوعاتدا آذربایجانلیلارین بیرینجی گوندم مادهسینی تورکیهدهکی سئچیملر اولوشدوردو.
آذربایجان تلویزیون کاناللاری و خبر آژانسلاری، سس وئرمه و سئچیم نتیجهلرینی تورکیهده وظیفهلندیردیکلری خبرچیلری آراچیلیغی ایله جانلی باغلانتیلارلا ایزلهییچیلرینه چاتدیردی.
تورکیهدهکی سئچیملر قازاقیستاندا دا ماراقلا ایزلهنیلدی.
سئچیم خبرلری، اؤلکهنین میللی مطبوعاتی باشدا اولماق اوزره یئرلی یایین قورولوشلاریندا دا گئنیش یئر توتدو.
قازاقیستانین دؤولت خبر آژانسی (کازینفورم)، اوی وئرمهدن ایلک نتیجهلره قدر سئچیمنین هر مرحلهسینی خبرلشدیردی.
قیرقیزیستان مطبوعاتی دا تورکیهدهکی سئچیملری یاخیندان ایزلهدی.
آکیپرس خبر آژانسیندا پارلماندا دا ان چوخ کورسونو جمهور اتفاقینین الده ائتمهسینه وورغو ائدیلدی.
کابار رسمی خبر آژانسی، سئچیملری جمهورباشقانی رجب طیب اردوغان و عدالت و قالخینما پارتیسینین (آک پارتی) اؤنده آپاردیغینی بیلدیردی.
اؤزبکیستانین اؤنده گلن خبر سایتلاریندان گازئتا.اوز پورتالی، سئچیملری "تورکیهده جمهورباشقانی سئچیمی اردوغان و کمال قیلیچداراوغلو ایکینجی توردا یاریشا بیلر" باشلیغییلا بیلدیردی.
اؤلکهنین دیگر اؤنده گلن خبر پورتالی کون.اوز ایسه خبرینده "جمهورباشقانی سئچیمینین ۲.جی تورا قالاجاغی دقیقلشیر" باشلیغینی ایشلتدی.
داریو.اوز خبر پورتالی ایسه "اردوغان ایکینجی تورا حاضر اولدوغونو سؤیلهدی" شکلینده باشلیق آتدی.
تورکمنیستان خبر سایتلاری دا تورکیهدهکی سئچیملرله باغلی خبرلر یایینلایاراق اوخوجولارینی بیلگیلندیردی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک