علییئو: تورپاق بوتونلوگوموزون تامین ائدیلمه‌سینین بیر ایفاده‌سیدیر
"ارمنیستان تعهدلارینی یئرینه یئتیرمیر. ارمنیستان، ناخچیوان ایله بیر کوریدور یارادیلماسینا ایجازه وئرمیر"
آذربایجان جمهوریتی جمهورباشقانی ایلهام علییئو، ارمنیستانین تعهدلارینی یئرینه یئتیرمه‌دیگینی سؤیله‌دی.
علییئو، گؤروشمه‌لر اوچون باشکند باکییا گئدن فرانسا آوروپا و خاریجی ایشلر باخانی کاترین کولونانی قبول ائتدی.
آذربایجان جمهورباشقانلیغیندان وئریله‌ن آچیقلامایا گؤره علییئو قبول‌دا، ارمنیستانلا ایلیشکیلرین‌دن بحث ائد‌رک، ۲.جی قاراباغ ساواشیندان همن سونرا ارمنیستانلا قارشیلیق‌لی اولاراق بیر بیرلرینین تورپاق بوتونلوگو و اگمنلیینی تانییاراق بیر باریش آندلاشماسی ایمضالاماغی تکلیف ائتدیکلرینی و بونون اوچون ایروانا رسمی اولاراق ۵ تمل اصل سوندوقلارینی خاطیرلاتدی.
جمهورباشقانی علییئو،
"ارمنیستان تعهدلارینی یئرینه یئتیرمیر. ارمنیستان، ناخچیوان ایله بیر کوریدور یارادیلماسینا ایجازه وئرمیر، روس باریش گوجلرینین گئچیجی قونوشلاندیغی آذربایجان تورپاقلارین‌دان عسگرلرینی گئری چکمیر" ایفاده‌لرینی ایشلتدی.
ارمنیلرین قاراباغا سلاح و دیگر عسگری محصوللاری داشیماق اوچون لاچین کوریدوروندان ایستیفاده ائتدیگینی بیلدیره‌ن علییئو،
"لاچین-خانکندی یولونون باشلانغیجیند‌ا سرحد کنترل نقطه‌سینین تاسیس ائدیلمه‌سی، اؤلکه‌میزین اگمنلیک حاقینین و تورپاق بوتونلوگوموزون تامین ائدیلمه‌سینین بیر ایفاده‌سیدیر" دئدی.
فرانسالی باخان کولونا ایسه، فرانسا اولاراق آذربایجان‌دا و عمومیتله گونئی قافقاز بؤلگه‌سین‌ده باریش، اقتصادی و اجتماعی قالخینما ایستدیکلرینی، اؤلکه‌سینین هر زامان بونو هدفله‌دیگینی سؤیله‌دی.
