تورکیه قوزیی قیبریس تورک جمهوریتینه دستکینی بیلدیردی

تورکیه قوزیی قیبریس تورک جمهوریتی‌نین "امریکا‌نین هوجوم سوآلتی قاییغی‌نین گونئی قیبریس روم ایداره‌سی‌نین لیمانینا لوبر سالماسی و روم طرفی‌نین سیلاحلانما فعالیتینه" دایر بیاناتینی دستکلدیگینی بیلدیریب.

خاریجی ایشلر ناظیرلیگیندن وئریلن یازیلی آچیقلامادا قوزیی قیبریس تورک جمهوریتی ایله ده دفعه‌لرله وورغولاندیغی کیمی، امریکانین قیبریس آداسیندا تارازلیغی پوزماق باهاسینا و روم رهبرلیگینی تشویق ائدن آددیم‌لارین بؤلگه‌نین ثابت‌لیگینه و قیبریس مسئله‌سی‌نین عدالت‌لی، داواملی و دایمی حلینه هئچ بیر شکیلده تحفه وئرمه‌دیگی قئید اولونوب.

آچیقلامادا بوندان علاوه، قوزیی قیبریس تورک جمهوریتی-نین امریکایا مخصوص " USS San Juan " سوآلتی گمیسی‌نین گونئی قیبریس روم ایداره‌سی‌نین لیمانلاریندان‌ بیرینده لؤبر سالماسی و روم رهبرلیگی‌نین سیلاحلانما فعالیت‌لری ایله باغلی وئردیگی آچیقلامانین دستکلندیگی وورغولانا‌راق، "امریکانی بو سیاست‌لری یئنی‌دن نظردن کئچیرمه‌یه چاغیریریق و خاطیرلاتماق ایستردیک کی، اؤلکه‌میز ایستنیلن شرایطده و ضامین اولماغین وئردیگی مسئولیت چرچیوه‌سینده قوزیی قیبریس تورک جمهوریتی‌نین حقوق و ماراق‌لارینی قطعیت ایله مدافعه ائتمه‌یه داوام ائده‌جک" دئییلیب.