آذربایجان‌دا بایرام قوتلامالاری باشلادی

آذربایجان‌دا تورک دونیاسینین ان اؤنملی بایراملارین‌دان، یازین خبرچی‌سی قبول ائدیله‌ن یئتی ایل بایرامی موختلیف فعالیتلرله قوتلانیر.
اسکی بایرام عادتلرینین یاشادیلدیغی آذربایجان‌دا قوتلامالارین آدرسی، باکی‌نین سوراخانی ائلچه‌سینده‌کی تاریخی آتشگاه معبدی اولدو.
باکی‌لیلار، آتشگاه‌دا تشکیل ائدیله‌ن قوتلاما فعالیتلرینه آخین ائتدی. فعالیت‌ده موختلیف موسیقی قروپلاری صحنه‌یه چیخدی، قورولان غرفه‌لرده یئرلی یئمکلر، پالتارلار و ال صنعتلری تانیدیلدی.
بایرام تونقالینین یاندیریلدیغی فعالیتده آذربایجان جمهوریتینین فرقلی بؤلگه‌لریندن گلن یئرلی پالتارلی صنعتچیلرین موسیقی و رقص گؤستریلری، کندیره چیخانلارین هیجان وئریجی گؤستریلری قوتلامالارا رنگ قاتدی.
مراسیم‌ده قیلینج قالخان گؤستریلری ایله موختلیف ایدمان موسابیقه‌لری ده ائدیلدی.
بایرام سببی ایله ۲۷ مارسا قدر رسمی تعطیل اعلان ائدیله‌ن آذربایجان جمهوریتینده قوتلامالار، تعطیل بویونجا سوره‌جک.