چاووش اوغلو:" تورک دؤولت‌لری تشکیلاتی هامیمیزین آرزوسو ایدی"
تورک دوولت لری تشکیلاتی‌نین خاریجی ایشلر ناظیرلری شوراسی‌نین ایجلاسیندا چیخیش ائدیب.
تورکیه-نین خاریجی ایشلر ناظیری مولود چاووش اوغلو دئییب: "تورک دؤولت‌لری تشکیلاتی (TDT) هامیمیزین آرزوسو ایدی و بو گئرچک اولدو. قورومسال آلت یاپیمیزی هر گون گوجلندیریر، امکداشلیغیمیزی اینکیشاف ائتدیریریک.
مولود چاووش اوغلو پرزیدنت ایقامتگاهیندا کئچیریلن تورک دؤولت‌لری تشکیلاتی‌نین خاریجی ایشلر ناظیرلری شوراسی‌نین ایجلاسیندا چیخیش ائدیب.
ایجلاسا اؤزبکیستان خاریجی ایشلر ناظیرینین معاوینی بختیار سعید‌وو، آذربایجانین خاریجی ایشلر ناظیری جیهون بایراموو، قیرغیزیستانین خاریجی ایشلر ناظیری جن‌بیک کولوبایئو، قازاخیستانین خاریجی ایشلر ناظیرینین بیرینجی معاوینی کایرات اوماراوو، ماجاریستانین خاریجی ایشلر و خاریجی تیجارت ناظیری پیتر سیجارتو، قوزیی قیبریس تورک جمهوریتی‌نین خاریجی ایشلر ناظیری تحسین ارطغرل‌اوغلو ، تورکمنیستانین ایستانبولداکی باش کونسولو میرات گلدی سعید ممدوو، و تورک دؤولت‌لری تشکیلاتی‌نین باش کاتیبی کوبانیچ‌بیگ عمرالی یئو قاتیلیب‌لار.
"تورک دؤولت‌لری تشکیلاتی (TDT) هامیمیزین آرزوسو ایدی و بو گئرچک اولدو دئین مولود چاووش اوغلو: "بیز قوروم سال آلت یاپیمیزی گونو-گون‌دن گوجلن‌دیریریک و امکداشلیغیمیزی اینکیشاف ائتدیریریک ایفاده‌لرینی ایشلدیب.
یاشیل تکنولوژی دن ایستیفاده ائدن و عقل‌لی شهرلره صاحیب بیر تورک دونیاسینی قورماغین واجیب‌لیگینی وورغولایان مولود چاووش اوغلو دئییب: "قلوبال انرژی ساحه‌سینده‌کی اهمیتیمیز آرتیر. باکی-تفلیس-جیهان نفت کمری و ترانس-آنادولو طبیعی گاز بورو کمری (تاناپ) کیمی بؤیوک انرژی لاییحه‌لرینی بیرلیکده حیاتا کئچیردیک. تاناپ-ین خزر بولگه سیندن علاوه طبیعی گازی اولوسلار آراسی بازارا چاتدیرماسی اوچون امکداشلیغی گوجلندیرمه‌لییک.
مولود چاووش اوغلو آسیانین یئنی‌دن اهمیتی‌نین آرتدیغی بو دؤورده اورتا دهلیزین قلوبال تیجارت‌ده‌کی پایی‌نین آرتیریلماسی‌نین واجیب‌لیگینی وورغولاییب.
مولود چاووش اوغلو عضو دؤولت‌لرین اقتصادیات لارینین ساغلام شکیلده بوتون لشمه سی اوچون تورک یاتیریم فوندونا اؤنم وئردیک‌لرینی دیله گتیریب.
اوکراینا‌داکی محاربه‌نین، افغانیستان-داکی پروسه‌‌لرین و بؤلگه‌ده‌کی دیگر پروبلئم‌لرین تورک دؤولت‌لری تشکیلاتی و عضو‌لرینی یاخیندان ماراقلاندیردیغینی بیلدیرن مولود چاووش اوغلو دئییب: "بیرلیگیمیزی گوجلندیرمه لییک. قوزیی قیبریس تورک جمهوریتی‌نین موشاهیدچی عضو اولماسی‌نین بو باخیمدان چوخ اهمیت‌لی اولدوغونو وورغولایان مولود چاووش اوغلو دئییب: "قیبریس تورک خالقی‌نین اگمن برابرلیگینی، حقوق‌لارینی و برابر اولوسلار آراسی ایستاتوسونون تصدیقلنمه‌سی، معروض قالدیق‌لاری تجرید و محدودیت‌لرین آرا‌دان قالدیریلماسی اورتاق مقصدیمیز اولمالیدیر.
