قوم‌دا بیر اوخولدا داها اؤیرنجیلر زهرله‌ندی

قوم شهرین‌ده‌کی اوخوللاردا تخمیناً ۲ آی ایچینده بئشینجی دفعه توپلو زهرله‌نمه حادثه‌سی باش وئردی.

ایران دؤولت تلویزیونونون وئردیگی خبره گؤره، قوم شهرینده‌کی بلقیس برقعی قیز اوخولوندا چوخ‌ ساییدا اؤیرنجی هله بیلینمه‌ین بیر سببله زهرله‌ندی.

اؤیرنجیلرده معده بولانماسی، باش آغریسی و عضولاردا اویوشما کیمی علامتلر گؤرولدو.

زهرله‌نن ۷ اؤیرنجی ایله ۱ اؤیرتمن خسته‌خانایا آپاریلاراق معالیجه آلتینا آلیندی.

قوم‌دا داها اؤنجه ۳۰ نوامبر و ۱۳ دسامبردا نور صنعت اوخولوندا، ۲۸ و ۳۰ ژانویه‌ده ایسه فاطمیه اوخولوندا توپلو زهرله‌نمه حاللاری بیلدیریلمیشدی.

یاری رسمی ایرانلی اؤیرنجیلر خبر آژانسی ایسنا مسئله ایله باغلی خبرینده، «ساوچیلیق سوروشدورماسینا و قوم میللت وکیللرینین مسئله‌نی تعقیب ائتمه‌سینه باخمایاراق ایندییه قدر یا مسئوللار هئچ نه بیلمیر یا دا مسئله‌‌نین سببینی آچیقلاماق ایسته‌میرلر» ایفاده‌لرینه یئر وئریلدی.