تورکیهدن بیرلشمیش میللتلره تپکی
"گۆونلیک شوراسی و اولوسلارآراسی توپلومو، قیبریس آداسیندا ایکی آیری خالق و ایکی آیری دؤولت اولدوغو حقیقتیندن حرکتله، قوزئی قیبریس تۆرک جمهوریتینی تانیماغا چاغیریریق"
تۆرکیه بیرلشمیش میللتلر تشکیلاتینین باریش گۆجونون وظیفه سۆرهسینین بیر ایل اوزادیلماسی قرارینا تپکی گؤستردی.
خاریجی ایشلر باخانلیغی، قیبریس آداسیندا یئرلشهن بیرلشمیش میللتلر تشکیلاتی باریش گۆجونون وظیفه مدتینین اوزادیلماسی ایله باغلی بیرلشمیش میللتلر تشکیلاتی گۆونلیک شوراسی قراری حاقیندا یازیلی آچیقلاما یاییملادی.
آچیقلامادا، بیرلشمیش میللتلر تشکیلاتی گۆونلیک شوراسینین، باریش گۆجونون وظیفه سۆرهسینین ۳۰ ژانویه ۲۰۲۳ تاریخینده ۲۶۷۴ ساییلی قرارلا بیر ایل اوزاتدیغی قید ائدیلدی.
قوزئی قیبریس تۆرک جمهوریتی خاریجی ایشلر باخانلیغینین سؤزوگئدن قرارلا باغلی اولاراق وئردیگی آچیقلامانین بۆتونویله دستکلندیگی بیلدیریلن آچیقلامادا،
«بیرلشمیش میللتلر تشکیلاتی باش کاتیبینین راپورلاریندا یئر آلماسینا باخمایاراق، شورانین ساحهدهکی گئرچکلردن قوپوق بیر شکیلده، قوزئی قیبریس تۆرک جمهوریتینین ایکی دؤولتلی چؤزوم یولوندا اورتایا قویدوغو ایرادهنی یوخ سایاراق، دفعهلرجه سینانمیش و باشاریسیز اولموش چؤزوم مدللرینده اصرار ائتدیگی گؤرولمکدهدیر. بو وضعیت، ساغدوُیو و یاخشی نیتله اؤرتوشمهمکده، شورانین آدادا گئرچک آنلامدا بیر حل یولونو تشویق ائتمک یئرینه، قیبریس روم طرفینین گۆدوموندن چیخابیلمهدیگینی گؤستریرمکدهدیر» ایفادهلرینه یئر وئریلدی.
بیرلشمیش میللتلر تشکیلاتی گۆونلیک شوراسینین بیر داها قیبریس تۆرک خالقینا قارشی تطبیق ائدیلهن اینسانلیق و حقوقدان اوزاق و قانونسوز تحریملری ده گؤرمزدن گلدیگی بیلدیریلن آچیقلامادا، «قراردا قوزئی قیبریس تۆرک جمهوریتی جمهورباشقانی سایین ارسین تاتارین ۱ و ۸ جولای ۲۰۲۲ تاریخلی مکتوبلاری ایله بیرلشمیش میللتلر تشکیلاتی باش کاتیبینه چاتدیردیغی، آدانین بیر چوخ احتیاجینا جاواب وئرهبیلهجک، گئرچکچی، یاپیجی و صمیمی امکداشلیق تکلیفلر یوخ ساییلاراق ایکی طرف آراسیندا امکداشلیق چاغریسی ائدیلمهسی ایسه باشقا بیر ضدیتدیر» ایفادهلری ایشلهدیلدی.
آچیقلامادا،
«قیبریسده عدالتلی و قالیجی حل یولونو آچاجاق اورتاق زمین، ساحهدهکی گئرچکلری اساس آلمالیدیر. بو چرچیوهده، گۆونلیک شوراسی و اولوسلارآراسی توپلومو قیبریس آداسیندا ایکی آیری خالق و ایکی آیری دؤولت اولدوغو حقیقتیندن حرکتله قیبریس تۆرک خالقینین الده ائدیلمیش حاقلاری اولان، اگمن برابرلیگینی و ائشید اولوسلارآراسی استاتوسونو ثبت ائتمهیه، قوزئی قیبریس تۆرک جمهوریتینی تانیماغا چاغیریریق» دگرلندیرمهسی یئر آلدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک