آذربایجانین تهران ائلچیلیگینه ائدیلهن سالدیرییا تپکیلر
«ایران مقاملارینی بو شدتلی سالدیریلا باغلی گئنیش بیر سوروشدورما یئریتمهیه و فاعللری عدالته تسلیم ائتمهیه چاغیریریق»
آذربایجان جمهورباشقانی ایلهام علییئو، اؤلکهسینین ایرانین باشکندی تهرانداکی ائلچیلیگینه سالدیرینی قینادی.
علییئو سوسیال شبکهدهکی پایلاشیمیندا،
"بو گون تهران ائلچیلیگیمیزه قارشی تؤرهدیلهن ترور ائیلمنی شدتله قیناییرام. ائلچیلیک و ائلچیلیک امکداشلارینین گوونلیگینی تامین ائدرکن شهید اولان اورخان عسگرووون عائلهسینه و یاخینلارینا باشساغلیغی وئریرم" ایفادهلرینی ایشلتدی.
تورکیه بؤیوک میللت مجلیسینین باشقانی مصطفی شنتوپ، آذربایجان میللی مجلیسینین باشقانی صاحبه غافارووایا تلفن ائدرک سالدیریلا باغلی بیلگی آلدی.
غافارووایا، حیاتینی ایتیرهن ائلچیلیک چالیشانی اوچون باشساغلیغی، یارالانانلارا ایسه عاجیل شفا دیلهیهن مجلیس باشقانی آیریجا، سوسیال مئدیا حسابیندان ائتدیگی پایلاشیمدا، آذربایجانین تهران ائلچیلیگینه ائدیلهن آلچاق سالدیرینی قینادی.
جمهورباشقانی یاردیمچیسی فوات اوختای دا سالدیرینی لعنتلهدیگینی بیلدیررک،
«آذربایجانلا هر زامان بیر و برابریک» ایفادهلرینی ایشلتدی.
خاریجی ایشلر باخانی مؤولود چاووشاوغلو دا آذربایجانین خاریجی ایشلر باخانی جیحون بایراموولا تلفندا دانیشدی.
چاووشاوغلو، آذربایجانین تهرانداکی ائلچیلیگینه ائدیلهن خاین سالدیرینی شدتله قینادی و تورکیهنین هر زامان آذربایجانین یانیندا اولدوغونو وورغولادی.
عدالت و قالخینما پارتیسینین (آک پارتی) سؤزچوسو عمر چئلیک ده:
«قارداش آذربایجانین تهران ائلچیلیگینه ائدیلن سالدیرینی لعنتلهییریک»مئساژینی پایلاشدی.
تورک دؤولتلری تشکیلاتینین باش کاتیبی ائلچی کوبانیجبک عومورعلییئو ده آذربایجانین تهران ائلچیلیگینه ائدیلن سالدیرینی قینادیاراق تپکی گؤستردی.
عومورعلییئو،
«ایران مقاملارینی بو شدتلی سالدیریلا باغلی گئنیش بیر سوروشدورما یئریتمهیه و فاعللری عدالته تسلیم ائتمهیه چاغیریریق» ایفادهلرینی ایشلتدی.
بو گون سحر ساعاتلاریندا آذربایجانین تهرانداکی ائلچیلیگینه سلاحلی سالدیری تشکیل ائدیلدی.
کالاشنیکوو اتوماتیک سلاحلا آتیش ائدن سالدیرقان، ائلچیلیگین محافظه رئیسینی قتل ائتمیش، ۲ محافظهچینی ایسه یارالامیشدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک